Foto: Almaty ákimdigi
Almatynyń Ortalyq stadionynda ótken Qazaqstan chempionatynyń sońǵy týrynda «Qairat» fýtbol klýby ózderiniń basty qarsylasy – «Astana» komandasyn qabyldady, dep habarlaidy Ult.kz.
Alań ielerine chempiondyq ataqty resmi túrde rastaý úshin teń esep te jetkilikti bolatyn. Kezdesý solai aiaqtaldy. Qonaqtar sapynan Tomasov birinshi taimda esep ashsa, úzilisten keiin sátti shabýyl uiymdastyrǵan Sátbaev tarazy basyn teńestirdi. Nátije – 1:1.
Bul nátijemen «Qairat» qatarynan ekinshi ret chempion atanyp, klýb tarihyndaǵy besinshi altyn júldesin jeńip aldy. Sonymen qatar, komanda Qazaqstan Premer-ligasy tarihyndaǵy rekordtyq 16-shy medal jiyntyǵyn ielendi.
Budan bólek, «Qairat» kelesi maýsymda ÝEFA Chempiondar ligasyna el namysyn qorǵaýǵa múmkindik aldy.
Kórermender arasynda qazaqstandyq fýtboldyń ardagerleri men Almaty ákimi Darhan Satybaldy da boldy. Úzilis kezinde qala basshysy 2025 jylǵy maýsym qorytyndysy boiynsha «Qairat» akademiiasynyń tárbielenýshilerin marapattady.
Klýb tarihynda alǵash ret Akademiianyń barlyq jas komandasy óz ligalarynda chempion atandy.
