فوتو: الماتى ەكٸمدٸگٸ
الماتىنىڭ ورتالىق ستاديونىندا ٶتكەن قازاقستان چەمپيوناتىنىڭ سوڭعى تۋرىندا «قايرات» فۋتبول كلۋبى ٶزدەرٸنٸڭ باستى قارسىلاسى – «استانا» كومانداسىن قابىلدادى, دەپ حابارلايدى Ult.kz.
الاڭ يەلەرٸنە چەمپيوندىق اتاقتى رەسمي تٷردە راستاۋ ٷشٸن تەڭ ەسەپ تە جەتكٸلٸكتٸ بولاتىن. كەزدەسۋ سولاي اياقتالدى. قوناقتار ساپىنان توماسوۆ بٸرٸنشٸ تايمدا ەسەپ اشسا, ٷزٸلٸستەن كەيٸن سەتتٸ شابۋىل ۇيىمداستىرعان سەتباەۆ تارازى باسىن تەڭەستٸردٸ. نەتيجە – 1:1.
بۇل نەتيجەمەن «قايرات» قاتارىنان ەكٸنشٸ رەت چەمپيون اتانىپ, كلۋب تاريحىنداعى بەسٸنشٸ التىن جٷلدەسٸن جەڭٸپ الدى. سونىمەن قاتار, كوماندا قازاقستان پرەمەر-ليگاسى تاريحىنداعى رەكوردتىق 16-شى مەدال جيىنتىعىن يەلەندٸ.
بۇدان بٶلەك, «قايرات» كەلەسٸ ماۋسىمدا ۋەفا چەمپيوندار ليگاسىنا ەل نامىسىن قورعاۋعا مٷمكٸندٸك الدى.
كٶرەرمەندەر اراسىندا قازاقستاندىق فۋتبولدىڭ ارداگەرلەرٸ مەن الماتى ەكٸمٸ دارحان ساتىبالدى دا بولدى. ٷزٸلٸس كەزٸندە قالا باسشىسى 2025 جىلعى ماۋسىم قورىتىندىسى بويىنشا «قايرات» اكادەميياسىنىڭ تەربيەلەنۋشٸلەرٸن ماراپاتتادى.
كلۋب تاريحىندا العاش رەت اكادەمييانىڭ بارلىق جاس كومانداسى ٶز ليگالارىندا چەمپيون اتاندى.
