Foto: ashyq derekkóz
ÝEFA Chempiondar ligasynyń negizgi kezeńiniń ekinshi týrynda almatylyq «Qairat» fýtbol klýby Ispaniianyń ataqty «Real Madrid» komandasynan 0:5 esebimen iri jeńilis tapty, dep habarlaidy Ult.kz.
Match basynan «Qairat» belsendi oinap, alǵashqy qaýipti shabýyldardyń birinde Dastan Sátpaevtyń baspen soqqan doby madridtik qaqpashy Tibo Kýrtýaǵa qiyndyq týǵyzdy. Alaida, 26-minýtta «Qairat» qorǵanysy qatelik jiberdi, nátijesinde taǵaiyndalǵan penaltidi Kilian Mbappe golǵa ainaldyryp, esepti ashty (0:1).
Ekinshi taimda «Real Madrid» basymdyqty tolyǵymen óz qolyna aldy. Mbappe eki gol soǵyp, het-trik jasady, al tórtinshi goldy Kamavinga saldy. Qosymsha ýaqytta «Real Madrid» taǵy bir gol soǵyp, match 0:5 esebimen aiaqtaldy.
Esterińizge sala keteiik, birinshi týrda «Qairat» Portýgaliianyń «Sporting» klýbynan 1:4 esebimen jeńilgen bolatyn. Qazaqstandyq klýb týrnirde jalpy 8 oiyn ótkizedi, onyń 4-eýin óz alańynda, 4-eýin syrt alańda ótkizedi. Aldaǵy oiyndarda «Qairat» Italiianyń «Inter», Angliianyń «Arsenal», Belgiianyń «Briýgge» jáne taǵy basqa komandalarmen kezdesedi.
