فوتو: اشىق دەرەككٶز
ۋەفا چەمپيوندار ليگاسىنىڭ نەگٸزگٸ كەزەڭٸنٸڭ ەكٸنشٸ تۋرىندا الماتىلىق «قايرات» فۋتبول كلۋبى يسپانييانىڭ اتاقتى «رەال مادريد» كومانداسىنان 0:5 ەسەبٸمەن ٸرٸ جەڭٸلٸس تاپتى, دەپ حابارلايدى Ult.kz.
ماتچ باسىنان «قايرات» بەلسەندٸ ويناپ, العاشقى قاۋٸپتٸ شابۋىلداردىڭ بٸرٸندە داستان سەتپاەۆتىڭ باسپەن سوققان دوبى مادريدتٸك قاقپاشى تيبو كۋرتۋاعا قيىندىق تۋعىزدى. الايدا, 26-مينۋتتا «قايرات» قورعانىسى قاتەلٸك جٸبەردٸ, نەتيجەسٸندە تاعايىندالعان پەنالتيدٸ كيليان مباپپە گولعا اينالدىرىپ, ەسەپتٸ اشتى (0:1).
ەكٸنشٸ تايمدا «رەال مادريد» باسىمدىقتى تولىعىمەن ٶز قولىنا الدى. مباپپە ەكٸ گول سوعىپ, حەت-تريك جاسادى, ال تٶرتٸنشٸ گولدى كاماۆينگا سالدى. قوسىمشا ۋاقىتتا «رەال مادريد» تاعى بٸر گول سوعىپ, ماتچ 0:5 ەسەبٸمەن اياقتالدى.
ەستەرٸڭٸزگە سالا كەتەيٸك, بٸرٸنشٸ تۋردا «قايرات» پورتۋگالييانىڭ «سپورتينگ» كلۋبىنان 1:4 ەسەبٸمەن جەڭٸلگەن بولاتىن. قازاقستاندىق كلۋب تۋرنيردە جالپى 8 ويىن ٶتكٸزەدٸ, ونىڭ 4-ەۋٸن ٶز الاڭىندا, 4-ەۋٸن سىرت الاڭدا ٶتكٸزەدٸ. الداعى ويىنداردا «قايرات» يتالييانىڭ «ينتەر», انگلييانىڭ «ارسەنال», بەلگييانىڭ «بريۋگگە» جەنە تاعى باسقا كوماندالارمەن كەزدەسەدٸ.
