«Atameken» kásipkerler palatasy almatylyq kásipkerlerdiń www.infokazakhstan.kz saityna ótinimdi ýaqytynda tapsyrýǵa úlgermei jatqanyn málim etti, dep habarlaidy "Ult aqparat".
QR Bas sanitarlyq dárigerdiń 2020 jylǵy 14 tamyzdaǵy №47 qaýlysyna sáikes jumysty bastaýǵa ruqsat alý úshin kásipkerlik sýbektilerdiń barlyǵyna elektrondy tsifrlyq qoltańba arqyly www.infokazakhstan.kz saitynan tirkeýden ótý qajet.
Kásipkerlerdiń portalǵa kóptep kirýi men elektrondyq tsifrlyq qoltańbany alý kezindegi qiyndyqtar saldarynan kásipkerler ýaqytynda ótinim berýge úlgermei jatyr.
«Eger ruqsat etilgen qyzmet túrin júzege asyratyn kásipker infokazakhstan.kz portalynda tirkeýsiz jumys jasasa, onda ákimshilik jaýapkershilikke tartylmaidy. Sonymen birge ol belgilengen sanitarlyq talaptardy saqtaýǵa mindetti. Eger monitoringilik top kásipkerlerdiń portalda tirkeýsiz jumys jasaityndyǵyn anyqtasa,SES organdary infokazakhstan.kz portalynda tirkelý qajettiligi týraly tiisti uiǵarym shyǵarady», - deidi «Atameken» kásipkerler palatasynyń direktory Nariman Ábilshaiyqov.
Sonymen qatar, ol talapty oryndamaǵan jaǵdaida ákimishilik jaýapkershilik qarastyrylǵanyn eske saldy.
«Jeke tulǵalarǵa salynatyn aiyppul 5 ailyq eseptik kórsetkish, laýazymdy tulǵalar úshin 15 AEK, shaǵyn biznes nemese kommertsiialyq emes uiymdar úshin 100 AEK. Orta biznes úshin - 200 AEK, iri biznes úshin - 500 AEK»,– dep tolyqtyrdy spiker.
