Almatyda gimnaziianyń jańa direktory muǵalimder shaǵymynan keiin qyzmetinen ketti, - dep habarlaidy Tengrinews.kz.
Áńgime biyl qyrkúiekte jańa basshy taǵaiyndalǵan №86 mektep-gimnaziiasy týraly bolyp otyr. Alaida keibir ustazdar bul sheshimge narazy bolyp, ujymdyq shaǵym jazǵan. Ákimdik málimetinshe, osydan keiin direktor qyzmetinen ketken.
"Gúlzira Baishimirova 2022 jylǵy 7 qazanda óziniń jeke ótinishi negizinde №86 mektep-gimnaziia direktorynyń mindetin atqarýshy qyzmetinen bosatyldy. Qazirgi ýaqytta mektep direktorynyń mindetin atqarýshy Sh.T. Ishambaeva", - dedi Almaty qalalyq bilim basqarmasy ókilderi.
Eske salaiyq, buǵan deiin №86 mektep-gimnaziiasynyń ustazdary Baishimirovany taǵaiyndaý kezinde óreskel zań buzylǵanyn málimdegen bolatyn. Olardyń aitýynsha, ol taǵaiyndalǵan qyzmet bos bolmaǵan jáne mektepte bos oryn bolmaǵan. Sondai-aq, olar qabyldaý úshin eshqandai konkýrs ótkizilmegenin atap ótedi.
