Qazaqstanda koronavirýstyń ekinshi tolqynyna daiyndyq aiasynda kóp jumys atqaryldy. Elimizdiń birqatar aimaqtarynda jańa infektsiialyq klinikalar ashyldy, meditsinalyq jabdyqtar satyp alyndy. Meditsina mamandary halyq arasynda túsindirý jumystaryn júrgizdi. Pandemiia kezinde qiyndyqtar da boldy. Bul týraly Almaty qalalyq balalar juqpaly aýrýlary aýrýhanasynyń infektsionist dárigeri Rýslan Imindjanov aityp berdi, dep habarlaidy QazAqparat.
Dárgerdiń aitýynsha, koronavirýs infektsiiasynyń belgileri spetsifikalyq emes.
«Koronavirýs ol da tynys alý joldarynyń aýrýyna jatady. Ony JRVI nemese tumaýdyń belgilerinen ajyratý qiyn. Jótel, tamaq aýrýy, álsizdik, dene qyzýynyń kóterilýi de osy aýrýǵa tán. Biraq, mynany esten shyǵarmaǵan abzal, sýyq tigende demikpe bolmaidy. Al koronavirýs dertin juqtyrǵan naýqastardyń býyn-býyny syrqyrap, dám sezbeidi jáne iis sezý qabiletinen aiyrylady. Keibireýiniń ókpesi qabynady. Sonymen qatar, tumaý qysqa inkýbatsiialyq kezeńmen sipattalady, birneshe saǵattan 3 kúnge deiin, COVID-19 –dyń inkýbatsiialyq kezeńi 14 kúnge deiin sozylady. Eń bastysy, dene qyzýyna nazar aýdarý qajet. Bizdiń aýrýhanada klinikalyq kórinisterge qaramastan aýrýhanaǵa jatqyzylǵan ár naýqas jiti tekserýden ótedi.
Sonymen qatar, dáriger koronavirýs pen tumaýdy kimder tez juqtyrýy múmkin ekenin aitty.
«Atalǵan infektsiiany kóbine uzaq ýaqyt tynys joldarynyń sozylmaly aýrýymen aýyrǵandar, balalar, júkti áielder immýniteti tómen adamdar juqtyry múmkin. Koronavirýstan jazylǵan adamdarda antideneler qalyptasyp, immýniteti jaqsarady degen ǵalymdardyń pikiri ekige bólindi. Qaita juqtyrý jaǵdailary týraly aqparattar da tarap jatyr. Meniń oiymsha mundai jaǵdai kezdesedi, biraq óte sirek. – Qazaqstanda koronavirýstyń alǵashqy jaǵdailary tirkele bastaǵannan beri bizdiń dárigerlerge úlken júk artyldy»,– dedi spiker.
Onyń aitýynsha, kóktem jáne jaz ailarynda dárigerler naýqastardy aman alyp qalý úshin baryn saldy.
«Dárigerlerdiń basynan keshirgen qiyndyqtary týraly aitar bolsam, birinshiden, olar otbasynan, balalarynan, týystarynan alshaq bolýǵa májbúr boldy. Ekinshiden, ystyq kúni arnaiy kiim kiip jumys isteý boldy. Árine, dárigerlerge barynsha jaǵdai da jasaldy. Jatyn oryn men tamaqpen qamtamasyz etildi. Ol úshin ákimdikke, aýrýhanamyzdyń basshylyǵyna jáne qaiyrymdylyq uiymdaryna alǵys aitamyz. Búgingi kúni bizde COVID-19 emdeý tájiribesi bar, biz pediatr bolǵanymyzǵa qaramastan, eresekterdi de, balalardy da qabyldadyq. Stýdenttik kezden bastap pediatrlar balalar men eresekterge qatysty terapiia jáne basqa da bailanysty mamandyqtar boiynsha negizgi pánderden ótedi, sondyqtan bizdiń dárigerler eresek naýqastardy qabyldaýǵa tez beiimdeldi.Aýyr halde túsken patsientterdi aman alyp qalý úshin aianǵan joq»,– deidi Rýslan Imindjanov.
Spiker koronavirýs infektsiiasyn juqtyrý qaýpin qalai boldyrmaýǵa nemese azaitýǵa bolatynyn tilge tiek etti.
«Kúz ben qys mezgilinde balalar maýsymdyq respiratorlyq infektsiialarǵa beiim bolady. Sondyqtan áleýmettik araqashyqtyqty jáne gigienalyq sharalardy saqtaý qajet. Bul – balalar arasynda indettiń taralýyna jol bermeidi. Eń mańyzdy usynys - balalardy úlken dúkenderge aparmaý, jabyq keńistikte adamdardyń kóp jinalýyn boldyrmaý, bul respiratorlyq virýstyq infektsiialarmen juqtyrý qaýpin edáýir arttyrady. Dalada taza aýada júrgen jaqsy. Úi-jailardy jeldetý, dymqyl tazalaý, durys tamaqtaný qajet»,– dep qortyndylady dáriger.
