قازاقستاندا كوروناۆيرۋستىڭ ەكٸنشٸ تولقىنىنا دايىندىق اياسىندا كٶپ جۇمىس اتقارىلدى. ەلٸمٸزدٸڭ بٸرقاتار ايماقتارىندا جاڭا ينفەكتسييالىق كلينيكالار اشىلدى, مەديتسينالىق جابدىقتار ساتىپ الىندى. مەديتسينا ماماندارى حالىق اراسىندا تٷسٸندٸرۋ جۇمىستارىن جٷرگٸزدٸ. پاندەمييا كەزٸندە قيىندىقتار دا بولدى. بۇل تۋرالى الماتى قالالىق بالالار جۇقپالى اۋرۋلارى اۋرۋحاناسىنىڭ ينفەكتسيونيست دەرٸگەرٸ رۋسلان يميندجانوۆ ايتىپ بەردٸ, دەپ حابارلايدى قازاقپارات.
دەرگەردٸڭ ايتۋىنشا, كوروناۆيرۋس ينفەكتسيياسىنىڭ بەلگٸلەرٸ سپەتسيفيكالىق ەمەس.
«كوروناۆيرۋس ول دا تىنىس الۋ جولدارىنىڭ اۋرۋىنا جاتادى. ونى جرۆي نەمەسە تۇماۋدىڭ بەلگٸلەرٸنەن اجىراتۋ قيىن. جٶتەل, تاماق اۋرۋى, ەلسٸزدٸك, دەنە قىزۋىنىڭ كٶتەرٸلۋٸ دە وسى اۋرۋعا تەن. بٸراق, مىنانى ەستەن شىعارماعان ابزال, سۋىق تيگەندە دەمٸكپە بولمايدى. ال كوروناۆيرۋس دەرتٸن جۇقتىرعان ناۋقاستاردىڭ بۋىن-بۋىنى سىرقىراپ, دەم سەزبەيدٸ جەنە يٸس سەزۋ قابٸلەتٸنەن ايىرىلادى. كەيبٸرەۋٸنٸڭ ٶكپەسٸ قابىنادى. سونىمەن قاتار, تۇماۋ قىسقا ينكۋباتسييالىق كەزەڭمەن سيپاتتالادى, بٸرنەشە ساعاتتان 3 كٷنگە دەيٸن, COVID-19 –دىڭ ينكۋباتسييالىق كەزەڭٸ 14 كٷنگە دەيٸن سوزىلادى. ەڭ باستىسى, دەنە قىزۋىنا نازار اۋدارۋ قاجەت. بٸزدٸڭ اۋرۋحانادا كلينيكالىق كٶرٸنٸستەرگە قاراماستان اۋرۋحاناعا جاتقىزىلعان ەر ناۋقاس جٸتٸ تەكسەرۋدەن ٶتەدٸ.
سونىمەن قاتار, دەرٸگەر كوروناۆيرۋس پەن تۇماۋدى كٸمدەر تەز جۇقتىرۋى مٷمكٸن ەكەنٸن ايتتى.
«اتالعان ينفەكتسييانى كٶبٸنە ۇزاق ۋاقىت تىنىس جولدارىنىڭ سوزىلمالى اۋرۋىمەن اۋىرعاندار, بالالار, جٷكتٸ ەيەلدەر يممۋنيتەتٸ تٶمەن ادامدار جۇقتىرى مٷمكٸن. كوروناۆيرۋستان جازىلعان ادامداردا انتيدەنەلەر قالىپتاسىپ, يممۋنيتەتٸ جاقسارادى دەگەن عالىمداردىڭ پٸكٸرٸ ەكٸگە بٶلٸندٸ. قايتا جۇقتىرۋ جاعدايلارى تۋرالى اقپاراتتار دا تاراپ جاتىر. مەنٸڭ ويىمشا مۇنداي جاعداي كەزدەسەدٸ, بٸراق ٶتە سيرەك. – قازاقستاندا كوروناۆيرۋستىڭ العاشقى جاعدايلارى تٸركەلە باستاعاننان بەرٸ بٸزدٸڭ دەرٸگەرلەرگە ٷلكەن جٷك ارتىلدى»,– دەدٸ سپيكەر.
ونىڭ ايتۋىنشا, كٶكتەم جەنە جاز ايلارىندا دەرٸگەرلەر ناۋقاستاردى امان الىپ قالۋ ٷشٸن بارىن سالدى.
«دەرٸگەرلەردٸڭ باسىنان كەشٸرگەن قيىندىقتارى تۋرالى ايتار بولسام, بٸرٸنشٸدەن, ولار وتباسىنان, بالالارىنان, تۋىستارىنان الشاق بولۋعا مەجبٷر بولدى. ەكٸنشٸدەن, ىستىق كٷنٸ ارنايى كيٸم كيٸپ جۇمىس ٸستەۋ بولدى. ەرينە, دەرٸگەرلەرگە بارىنشا جاعداي دا جاسالدى. جاتىن ورىن مەن تاماقپەن قامتاماسىز ەتٸلدٸ. ول ٷشٸن ەكٸمدٸككە, اۋرۋحانامىزدىڭ باسشىلىعىنا جەنە قايىرىمدىلىق ۇيىمدارىنا العىس ايتامىز. بٷگٸنگٸ كٷنٸ بٸزدە COVID-19 ەمدەۋ تەجٸريبەسٸ بار, بٸز پەدياتر بولعانىمىزعا قاراماستان, ەرەسەكتەردٸ دە, بالالاردى دا قابىلدادىق. ستۋدەنتتٸك كەزدەن باستاپ پەدياترلار بالالار مەن ەرەسەكتەرگە قاتىستى تەراپييا جەنە باسقا دا بايلانىستى ماماندىقتار بويىنشا نەگٸزگٸ پەندەردەن ٶتەدٸ, سوندىقتان بٸزدٸڭ دەرٸگەرلەر ەرەسەك ناۋقاستاردى قابىلداۋعا تەز بەيٸمدەلدٸ.اۋىر حالدە تٷسكەن پاتسيەنتتەردٸ امان الىپ قالۋ ٷشٸن ايانعان جوق»,– دەيدٸ رۋسلان يميندجانوۆ.
سپيكەر كوروناۆيرۋس ينفەكتسيياسىن جۇقتىرۋ قاۋپٸن قالاي بولدىرماۋعا نەمەسە ازايتۋعا بولاتىنىن تٸلگە تيەك ەتتٸ.
«كٷز بەن قىس مەزگٸلٸندە بالالار ماۋسىمدىق رەسپيراتورلىق ينفەكتسييالارعا بەيٸم بولادى. سوندىقتان ەلەۋمەتتٸك اراقاشىقتىقتى جەنە گيگيەنالىق شارالاردى ساقتاۋ قاجەت. بۇل – بالالار اراسىندا ٸندەتتٸڭ تارالۋىنا جول بەرمەيدٸ. ەڭ ماڭىزدى ۇسىنىس - بالالاردى ٷلكەن دٷكەندەرگە اپارماۋ, جابىق كەڭٸستٸكتە ادامداردىڭ كٶپ جينالۋىن بولدىرماۋ, بۇل رەسپيراتورلىق ۆيرۋستىق ينفەكتسييالارمەن جۇقتىرۋ قاۋپٸن ەدەۋٸر ارتتىرادى. دالادا تازا اۋادا جٷرگەن جاقسى. ٷي-جايلاردى جەلدەتۋ, دىمقىل تازالاۋ, دۇرىس تاماقتانۋ قاجەت»,– دەپ قورتىندىلادى دەرٸگەر.
