Almatyda jas áiel úsh kishkentai balasymen birge kóppáterli turǵyn úidiń toǵyzynshy qabatynan sekirip ketti. Tórteýi de kóz jumdy, dep habarlaidy qalalyq politsiia departamentiniń baspasóz qyzmeti.
Tragediia "Jetisý" shaǵyn aýdanyndaǵy turǵyn úilerdiń birinde bolǵan. 28 jastaǵy áiel 2015, 2016 jáne 2019 jylǵy balalarymen birge 9-shy qabattan sekirip ketken.
"Kelinshek pen eki bala oqiǵa ornynda kóz jumdy. Taǵy bir bala jedel járdem kóliginde jan tapsyrdy", - delingen habarlamada.
Oqiǵanyń sebebi men mán-jaiyn anyqtaý úshin Almatynyń politsiia departamentinde jedel tergeý toby quryldy.
Bul fakti Qylmystyq kodekstiń 105-baby "Ózin-ózi óltirýge deiin jetkizý" boiynsha sotqa deiingi tergeýlerdiń biryńǵai reestrine tirkeldi.
