Foto: t.me/pressmfakz
Almaty áýejaiyna Ýkrainadan evakýatsiialanǵan qazaqstandyqtar mingen besinshi reis qondy, - dep habarlaidy Tengrinews.kz tilshisi.
15 naýryzda saǵat 14:53-te Almaty áýejaiyna qarýly qaqtyǵys bastalǵan Ýkraina aýmaǵynda bolǵan Qazaqstan azamattary mingen besinshi reis qondy. Ushaq Polshanyń Katovitse qalasynan Nur-Sultan ýaqyty boiynsha tańǵy saǵat 8:53-te ushyp shyqqan.
Air Astana áýekompaniiasynyń málimetinshe, ushaqta 89 jolaýshy bolǵan. Onyń ishinde: 56 Qazaqstan azamaty, 32 Ýkraina azamaty jáne bir Polsha azamaty.
Eske salaiyq, 28 aqpanda Ýkrainadan evakýatsiialanǵan qazaqstandyqtar otyrǵan alǵashqy reis Almatyǵa qonǵan bolatyn. Ushaqta 175 qazaqstandyq boldy, onyń ishinde alty bala bar.
1 naýryzda ekinshi ushaqpen Nur-Sultan qalasyna 120 qazaqstandyq, onyń ishinde tórt bala ushyp keldi.
4 naýryzda elordaǵa Qazaqstan azamattary mingen úshinshi ushaq qondy. Bortta 131 jolaýshy, onyń ishinde 20 bala boldy. Osy reispen Qyrǵyzstannyń eki azamaty ushyp keldi.
10 naýryzda Nur-Sultan qalasyna Ýkrainadan evakýatsiialanǵan qazaqstandyqtar mingen tórtinshi reis keldi. Onyń bortynda 155 jolaýshy, onyń ishinde jeti sábi bolǵan.
