Qazaqstanda koronavirýs infektsiiasynyń taralýyna jol bermeý úshin Almaty ákimi Baqytjan Saǵyntaevtyń tapsyrmasy boiynsha qalalyq sanitarlyq-epidemiologiialyq baqylaý departamenti jaýapty qurylymdarmen birlesip turaqty túrde elimizge shetelden kelgen azamattarǵa monitoring júrgizip jatyr, dep habarlaidy "Ult aqparat".
Almaty áýejaiynda halyqaralyq reistermen ushyp kelgen azamattar arasynda koronavirýs infektsiiasyna testileý qorytyndysy joq adamdar anyqtalyp jatyr.
2020 jyldyń 27 qazany men 3 qarasha aralyǵynda shetelden Almatyǵa 7682 jolaýshysy bar 51 áýe reisi keldi. Olardyń ishinen 258 jolaýshyda PTR taldaýy bolmaǵan.
COVID-19-ǵa PTR test nátijesi joq barlyq 258 jolaýshy koronavirýs infektsiiasyna zerthanalyq tekserý úshin karantindik mekemelerge oqshaýlandy. Zerttelgen 258 testiniń 219-y teris nátije kórsetse, 39-ynyń nátijesi áli shyqqan joq.
Álemdegi epidemiialyq jaǵdaidyń ýshyǵýyna bailanysty Almaty qalasynyń ákimdigi qala turǵyndaryn múmkindiginshe shetelge saparǵa shyǵýdy ýaqytsha toqtatýdy, sondai-aq barlyq sanitarlyq-epidemiialyq sharalardy: maska rejimin jáne áleýmettik qashyqtyqty saqtaýdy jalǵastyrýǵa shaqyrady. Qaýip tobyndaǵy halyqqa, ásirese 65 jastan asqan adamdarǵa úiden shyqpaý usynylady.
«Álemde epidemiialyq jaǵdai turaqsyz, birqatar elderde aýrýdy juqtyrýdyń óskeni tirkelip otyr, osyǵan bailanysty karantindik rejimdi kúsheitý boiynsha sharalar qabyldanýda. Ispaniiada biyl 26 qazannan bastap TJ rejimi engizildi. Qalalarda komendanttyq saǵat jumys isteidi. Frantsiiada 1 jeltoqsanǵa deiin karantin. Frantsiia biligi koronavirýs infektsiiasyn juqtyrý oqiǵalarynyń kóbeiýine bailanysty búkil elde osyǵan deiin engizilgen oqshaýlaý rejimine Parijde komendanttyq saǵat engizýge talpynyp otyr. Germaniiada 2 qarashadan bastap búkil el boiynsha karantin engiziledi. Avstriiada 3 qarashadan bastap koronavirýstyń taralýyn boldyrmaý úshin 30 qarashaǵa deiin ekinshi karantin bastaldy», - dedi Almaty ákimdiginen.
