Almatyǵa «QazVac» vaktsinasy jetkizildi, dep habarlaidy "Ult aqparat".
Qalalyq densaýlyq saqtaý basqarmasynyń málimetinshe, Almatyǵa 6000 doza (1 jáne 2 komponent boiynsha) berildi, olar meditsinalyq uiymdaryna bólindi. Bul 3000 adamdy vaktsinatsiialaýǵa jetkilikti. Qala turǵyndarynyń qalaýy boiynsha qazaqstandyq nemese reseilik preparatty tańdai alady.
QazCovid-in vaktsinasyn QR Bilim jáne ǵylym ministrligi Ǵylym komitetiniń Biologiialyq qaýipsizdik problemalarynyń ǵylymi-zertteý institýty ázirlegen.
Qaz-Covid-In – óli virýstan jasalǵan vaktsina. Bul bulshyqet ishine 0,5 ml/dozasy engiziledi.
Quramynda SARS-CoV-2 tazartylǵan inaktivirlengen tutas viriondy shtammy bar. QazCovid-In «Qazaqstan, kovid, inaktivatsiialanǵan» degendi bildiredi. Ol himiialyq reagentpen «óltirilgen» 2019-Ncov virýsyna negizdelip jasalynǵan. Bul vaktsinadan keiingi asqynýlar jeńil ótedi ári dene qyzýy joǵarylamaidy. Sondai-aq, Sputnik-V ktsinasy siiaqty eki komponentti jáne 21 kúndik intervalmen salynady.
Otandyq vaktsinanyń artyqshylyqtarynyń biri – saqtaý sharttary. Eger Sputnik-V vaktsinasy tońazytqyshta 18 gradýs temperatýrada saqtalsa, al QazVac vaktsinasy 2-8 gradýs temperatýrada saqtalady. Bul preparatty óndirýshiden tutynýshylarǵa jetkizý logistikasyn jeńildetedi.
Klinikalyq zertteýlerdiń birinshi kezeńine 18-65 jas aralyǵyndaǵy 44 erikti, ekinshi kezeńge 200 adam, úshinshi kezeńge 3 myń adam qatysty. Qazaqstan dúniejúzilik densaýlyq saqtaý uiymynyń reestrine óziniń kovidke qarsy vaktsinasyn tirkedi.
