Almaty qalasynyń bas memlekettik sanitarlyq dárigeri Jandarbek Bekshin qalaǵa ushaqpen kelgenderdiń qaida aialdaityny jóninde aityp berdi, dep habarlaidy QazAqparat.
Onlain otyrys barysynda, Qoǵamdyq keńestiń tóraǵasy Rahman Alshanov bas sanitarlyq dárigerden Almatyǵa jumys saparymen kelgen adamdar qaida toqtaitynyn surady. Óitkeni, megopolistegi qonaq úiler men dámhanalar áli ashylǵan joq.
«Biz Almatyǵa kelýshilerdiń sanyn shekteimiz. Áýe reisteri kimderge ashyq? Qala turǵyndary men emdelýge muqtaj adamdar úshin. Baiqaǵanyńyzdai, reister sany shekteýli. Tek shuǵyl qajet bolǵan kezde ǵana ruqsat beriledi. Óńirler arasyndaǵy týrizm 1 maýsymǵa deiin ashylmaidy», - dep túsindirdi ol.
Sonymen qatar, ol qyzmettik issaparlarǵa toqtalǵan.
«Issaparmen kelgenderge de talap bir. Kim shaqyrady, sol qamtamasyz etýi kerek. Bizde karantin rejimi áli bar», - dep qosty ol.
Aita ketý kerek, 1 mamyrdan bastap Qazaqstanda kóptegen baǵyttarǵa áýe reisteri ashyldy.
