الماتى قالاسىنىڭ باس مەملەكەتتٸك سانيتارلىق دەرٸگەرٸ جانداربەك بەكشين قالاعا ۇشاقپەن كەلگەندەردٸڭ قايدا ايالدايتىنى جٶنٸندە ايتىپ بەردٸ, دەپ حابارلايدى قازاقپارات.
ونلاين وتىرىس بارىسىندا, قوعامدىق كەڭەستٸڭ تٶراعاسى راحمان الشانوۆ باس سانيتارلىق دەرٸگەردەن الماتىعا جۇمىس ساپارىمەن كەلگەن ادامدار قايدا توقتايتىنىن سۇرادى. ٶيتكەنٸ, مەگوپوليستەگٸ قوناق ٷيلەر مەن دەمحانالار ەلٸ اشىلعان جوق.
«بٸز الماتىعا كەلۋشٸلەردٸڭ سانىن شەكتەيمٸز. ەۋە رەيستەرٸ كٸمدەرگە اشىق? قالا تۇرعىندارى مەن ەمدەلۋگە مۇقتاج ادامدار ٷشٸن. بايقاعانىڭىزداي, رەيستەر سانى شەكتەۋلٸ. تەك شۇعىل قاجەت بولعان كەزدە عانا رۇقسات بەرٸلەدٸ. ٶڭٸرلەر اراسىنداعى تۋريزم 1 ماۋسىمعا دەيٸن اشىلمايدى», - دەپ تٷسٸندٸردٸ ول.
سونىمەن قاتار, ول قىزمەتتٸك ٸسساپارلارعا توقتالعان.
«ٸسساپارمەن كەلگەندەرگە دە تالاپ بٸر. كٸم شاقىرادى, سول قامتاماسىز ەتۋٸ كەرەك. بٸزدە كارانتين رەجيمٸ ەلٸ بار», - دەپ قوستى ول.
ايتا كەتۋ كەرەك, 1 مامىردان باستاپ قازاقستاندا كٶپتەگەن باعىتتارعا ەۋە رەيستەرٸ اشىلدى.
