Almaty áýe reisimen kelgen Qazaqstannyń 4 azamatynan koronavirýs tabyldy. Bul týraly kóliktegi bas memlekettik sanitar dáriger Sadýaqas Baiǵabylov Facebook paraqshasynda jazdy, dep habarlaidy "Ult aqparat".
«Osy jyldyń 13 qazanynda Almatyǵa Antaliadan áýe reisimen kelgen 1 jáne Sharm-el-Sheihten kelgen 3 azamatymyzdan ekikúndik karantin kezindegi testileý nátijesinde koronairýs anyqtaldy. Barlyq azamattar COVID-19-ǵa arnalǵan saraptama tapsyrǵany týraly PTR anyqtamasyz kelgen. Olarǵa qajetti emdeý jáne epidemiiaǵa qarsy sharalar belgilengen tártippen júrgizilip jatyr», - deidi Sadýaqas Baiǵabylov.
Onyń dereginshe, 14 qazanda túnde elimizge 9 reispen 1 052 jolaýshy kelgen. Onyń 862-siniń anyqtamasy bar, al 190-ynda anyqtama joq.
Anyqtamasy joq jolaýshylardyń barlyǵy PTR test tapsyrý úshin kelgen qalalaryndaǵy karantin statsionaryna jatqyzyldy.
Atap aitqanda, Nur-Sultanǵa 5 reispen kelgen 533 jolaýshynyń 118-inde, Almatyǵa 3 reispen kelgen 428 jolaýshynyń 62-sinde jáne Aqtaýǵa 1 respen kelgen 91 jolaýshynyń 10-ynda PTR testin tapsyrǵany týraly anyqtama bolmaǵan.
