Almatyǵa 2022 jyldan beri 6,2 mln týrist keldi

Foto: Zakon.kz

Sońǵy úsh jylda Almatyda týrizm qarqyndy damyp, 91,8% ósim kórsetti, dep habarlaidy Ult.kz.

Sheteldik týrister sany 4,2 ese, al ishki týrister sany 56,3%-ǵa artty. Saladan túsken salyq túsimi úsh esege kóbeidi.

2022 jyldan beri qalada 5972 nómirlik qory bar 43 qonaqúidiń qurylysy júrip jatyr, 26 týristik joba júzege asýda, onyń ishinde 7 joba 2025 jyly aiaqtalady.

Taýly aimaqta 1000 shaqyrymnan astam marshrýt tsifrlandyryldy, 750 shaqyrymnan astam jol kórkeitildi, 13 kemping aimaǵy quryldy.

Almaty álemdik týristik baǵyt retinde tanylyp otyr: The New York Times basylymynyń «Barýǵa laiyq 52 oryn» tizimine endi, Wanderlust jýrnalynyń TOP-24 týristik baǵyt qataryna kirdi, al Shymbulaq kýrorty men Oi-Qaragai TMD-da úzdik dep tanylyp, týrizmdegi innovatsiialary úshin marapatqa ie boldy.

Qala 2025 jyly 2,5 million týrist tartýdy kózdep otyr. Qonaqtardyń qanaǵattaný indeksi 67,5%, bul qyzmet kórsetý sapasynyń artqanyn kórsetedi.