Almaty halyqaralyq áýejaiy birneshe reistiń qaita jańdanǵanyn málim etti, dep habarlaidy "Ult aqparat".
«Almatydan Qyrǵyzstanǵa áýe reisteri qaita jandanǵanyn qýana habarlaimyz. Qyrǵyz Respýblikasyna kirý úshin orys nemese aǵylshyn tilinde jazylǵan teris nátijesi bar PTR testin kórsetýińiz kerek. Anyqtamanyń qoldaný merzimi - taldaýdy alǵan sátten bastap 72 saǵat. 7 jasqa deiingi balalarǵa PTR test qajet emes», - delingen áýejaidyń Facebook paraqshasynda.
Sonymen qatar, habarlamada naýryz aiynda Kievke reisterdi ashý josparlanyp otyrǵany aitylǵan.
«Qazaqstandyqtarǵa Ýkraina aýmaǵyna kirý úshin PTR synaǵynyń qajeti joq. Alaida, saqtandyrý polisi bolýy shart. Saqtandyrý polisiniń baǵasy - úsh kúnge 3,30 evro + árbir kelesi kún úshin 0,80 evro. Polis Covid-19 infektsiiasyn juqtyryp alǵan jaǵdaida emdelýge, dári-dármek pen PTR testin tapsyrý úshin qajet. Saqtandyrýdy myna jerden alýǵa bolady: www.visitukraine.today. Eger siz Ýkraina aýmaǵynda 90 kúnnen artyq bolsańyz saqtandyrý polisi 30 000 eýro kóleminde beriledi», - dep habarlady áýejaidaǵylar.
Sonymen qatar, Almatydan Máskeýge (Domodedovo) reister sany kóbeidi. Aptasyna 2 ret - seisenbi men juma kúnderi ushady.
Halyqaralyq reisterge biletti satyp alǵanda jolaýshylarǵa elge kirý erejeleri týraly qosymsha keńes beriledi.
