الماتى حالىقارالىق ەۋەجايى بٸرنەشە رەيستٸڭ قايتا جاڭدانعانىن مەلٸم ەتتٸ, دەپ حابارلايدى "ۇلت اقپارات".
«الماتىدان قىرعىزستانعا ەۋە رەيستەرٸ قايتا جاندانعانىن قۋانا حابارلايمىز. قىرعىز رەسپۋبليكاسىنا كٸرۋ ٷشٸن ورىس نەمەسە اعىلشىن تٸلٸندە جازىلعان تەرٸس نەتيجەسٸ بار پتر تەستٸن كٶرسەتۋٸڭٸز كەرەك. انىقتامانىڭ قولدانۋ مەرزٸمٸ - تالداۋدى العان سەتتەن باستاپ 72 ساعات. 7 جاسقا دەيٸنگٸ بالالارعا پتر تەست قاجەت ەمەس», - دەلٸنگەن ەۋەجايدىڭ Facebook پاراقشاسىندا.
سونىمەن قاتار, حابارلامادا ناۋرىز ايىندا كيەۆكە رەيستەردٸ اشۋ جوسپارلانىپ وتىرعانى ايتىلعان.
«قازاقستاندىقتارعا ۋكراينا اۋماعىنا كٸرۋ ٷشٸن پتر سىناعىنىڭ قاجەتٸ جوق. الايدا, ساقتاندىرۋ پوليسٸ بولۋى شارت. ساقتاندىرۋ پوليسٸنٸڭ باعاسى - ٷش كٷنگە 3,30 ەۆرو + ەربٸر كەلەسٸ كٷن ٷشٸن 0,80 ەۆرو. پوليس Covid-19 ينفەكتسيياسىن جۇقتىرىپ العان جاعدايدا ەمدەلۋگە, دەرٸ-دەرمەك پەن پتر تەستٸن تاپسىرۋ ٷشٸن قاجەت. ساقتاندىرۋدى مىنا جەردەن الۋعا بولادى: www.visitukraine.today. ەگەر سٸز ۋكراينا اۋماعىندا 90 كٷننەن ارتىق بولساڭىز ساقتاندىرۋ پوليسٸ 30 000 ەۋرو كٶلەمٸندە بەرٸلەدٸ», - دەپ حابارلادى ەۋەجايداعىلار.
سونىمەن قاتار, الماتىدان مەسكەۋگە (دومودەدوۆو) رەيستەر سانى كٶبەيدٸ. اپتاسىنا 2 رەت - سەيسەنبٸ مەن جۇما كٷندەرٸ ۇشادى.
حالىقارالىق رەيستەرگە بيلەتتٸ ساتىپ العاندا جولاۋشىلارعا ەلگە كٸرۋ ەرەجەلەرٸ تۋرالى قوسىمشا كەڭەس بەرٸلەدٸ.
