Almaty ákimi Baqytjan Saǵyntaev JEO-2-niń gazǵa ótýi týraly aityp berdi, dep habarlaidy QazAqparat.
«Eń aldymen biz qai joldy tańdaitynymyzdy anyqtap alýymyz qajet. Ártúrli nusqalar bar, sarapshylar arzan nusqany tapty. Eger osy usynys maquldansa, qoǵamdyq tyńdaý ótedi, sodan keiin investitsiia tartý protsesi bastalady», - dedi Almaty ákimi Baqytjan Saǵyntaev baspasóz máslihatynda.
Sonymen qatar, ol jobanyń qarjylandyrý máselesine toqtaldy.
«Eger bul milliardtaǵan dollar bolsa, onda qarjylandyrýdy qaita qaraý kerek bolady. Bul qazirdiń ózinde qyzmet baǵasyna áser etedi. Eger biz kómirden gazǵa aýysatyn bolsaq, onda gazdyń baǵasy qandai bolady jáne ony tarif qalai kóteredi osyǵan mán berýimiz qajet. Bul másele qala turǵyndarymen ashyq talqylanatyn bolady. Árine, qorshaǵan ortany qorǵaý jáne densaýlyqqa qatysty ekologiialyq problemalardy eshqandai aqshamen ólsheýge bolmaidy. Eger halyqqa, ásirese halyqtyń áleýmettik álsiz toptaryna tóleý qiyn bolatyn bolsa, qala ákimidigi tariftiń bir bóligin sýbsidiialaýǵa kirisedi. Men, qala basshysy retinde, muny jaqsy túsinemin jáne soǵan daiynmyn», - dedi ákim.
