Almatydaǵy jasyryn kazino qyzmetkerleri de, klientteri de jazalandy. Bul týraly onlain brifing barysynda QR Sybailas jemqorlyqqa qarsy is-qimyl agenttigi 1-shi departamenti basshysynyń orynbasary Daniiar Aqýan aitty, dep habarlaidy QazAqparat.
«Agenttiktiń jáne Ulttyq qaýipsizdik komitetiniń Almaty qalalyq departamentteri QR Ulttyq gvardiianyń «Búrkit» arnaiy maqsattaǵy bólimshesin tarta otyryp, eldegi tótenshe jaǵdai kezinde jáne qaladaǵy karantin rejimi ýaqytynda osy jylǵy naýryz aiynan bastap jumys istegen oiyn mekemesiniń zańsyz qyzmetiniń jolyn kesý boiynsha aýqymdy operatsiia ótkizdi. Atalǵan jedel-izdestirý is-sharasy 2020 jyly sáýirdiń 24-inen 25-ine qaraǵan túni ótkizilip, nátijesinde vedomstvo qyzmetkerleri qalanyń ortasynda ornalasqan ákimshilik ǵimaratta keliýshi men personal arasynan 30-dan astam adamdy qumar oiyndaryna qatysqandyǵy úshin ustady», - dedi ol.
Onyń atap ótýinshe, qumar oiyndary ótkiziletin orynǵa tek qana turaqty klientter ǵana óte alatyn arnaiy ótkizý júiesi ornatylǵan. Tintý is-sharalary barysynda aýdany 1 000 sharshy metrden asatyn kazinoda pokerge jáne amerikalyq rýletkaǵa arnalǵan 6 oiyn ústeli, kóptegen karta men fishka, sondai-aq zańsyz qyzmetten bir kúnde túsetin iri mólsherdegi aqsha tabylyp, tárkilengen.
«Zańsyz oiyn mekemesin uiymdastyrý faktisi boiynsha QR QK-niń 307-baby 2-bóligimen sotqa deiingi tergep-tekserý júrgizilýde. «Astyrtyn kazinonyń» barlyq qatysýshyna tótenshe jaǵdai rejimin buzý faktisi boiynsha ákimshilik hattamalar toltyryldy. Ustalǵan 18 tulǵaǵa qatysty sottyń sheshimimen 5 táýlikke deiingi ákimshilik qamaý qoldanylyp, 6 tulǵaǵa qatysty jalpy somasy 166 680 teńge, iaǵni, árqaisysyna 27 780 teńgeden aiyppul salyndy», - dedi Daniiar Aqýan.
