«Almaty jeldetkish zaýyty» jaýapkershiligi shekteýli seriktestigi direktorlar keńesiniń tóraǵasy Marat Baqqulov kásporyn qyzmetkerleriniń 100 paiyzy vaktsina alǵanyn málim etti, dep habarlaidy "Ult aqparat".
Bul týraly ol Facebook-tegi paraqshasynda jazdy.
«Bizdiń zaýyttyń ujymy kovidke qarsy vaktsinany bir ai buryn 100% tolyq qurammen aldy. Byltyrǵy jaǵdaidan aiyrmashylyq bar. Kún saiyn bir-eki adam virýs juqtyratyn. Biyl naýqastanǵandar joq. Birde-bir syrqat tirkelgen joq. Quddy bir pandemiia joq siiaqty», - dep jazdy kásiporyn basshysy.
Eske salsaq, bas sanitar dárigerdiń 14 shildedegi qaýlysy boiynsha jumysy adamdardyń kóp shoǵyrlanýyna bailanysty nysandarǵa qyzmetkerlerin 10 tamyzǵa deiin COVID-19-ǵa qarsy vaktsinanyń birinshi komponentimen, 1 qyrkúiekke deiin vaktsinanyń ekinshi komponentimen qamtamasyz etý júktelgen bolatyn.
Atalǵan qaýlyda kórsetilgen sanatqa jatatyn jumys berýshiler vaktsina almaǵan nemese 7 kún saiyn PTR-testileý arqyly saýlyǵyn dáleldemegen qyzmetkerlerdi shtattyq rejimde jumysqa jiberse, aiyppul arqalaýy múmkin.
