«الماتى جەلدەتكٸش زاۋىتى» جاۋاپكەرشٸلٸگٸ شەكتەۋلٸ سەرٸكتەستٸگٸ ديرەكتورلار كەڭەسٸنٸڭ تٶراعاسى مارات باققۇلوۆ كەسپورىن قىزمەتكەرلەرٸنٸڭ 100 پايىزى ۆاكتسينا العانىن مەلٸم ەتتٸ, دەپ حابارلايدى "ۇلت اقپارات".
بۇل تۋرالى ول Facebook-تەگٸ پاراقشاسىندا جازدى.
«بٸزدٸڭ زاۋىتتىڭ ۇجىمى كوۆيدكە قارسى ۆاكتسينانى بٸر اي بۇرىن 100% تولىق قۇراممەن الدى. بىلتىرعى جاعدايدان ايىرماشىلىق بار. كٷن سايىن بٸر-ەكٸ ادام ۆيرۋس جۇقتىراتىن. بيىل ناۋقاستانعاندار جوق. بٸردە-بٸر سىرقات تٸركەلگەن جوق. قۇددى بٸر پاندەمييا جوق سيياقتى», - دەپ جازدى كەسٸپورىن باسشىسى.
ەسكە سالساق, باس سانيتار دەرٸگەردٸڭ 14 شٸلدەدەگٸ قاۋلىسى بويىنشا جۇمىسى ادامداردىڭ كٶپ شوعىرلانۋىنا بايلانىستى نىساندارعا قىزمەتكەرلەرٸن 10 تامىزعا دەيٸن COVID-19-عا قارسى ۆاكتسينانىڭ بٸرٸنشٸ كومپونەنتٸمەن, 1 قىركٷيەككە دەيٸن ۆاكتسينانىڭ ەكٸنشٸ كومپونەنتٸمەن قامتاماسىز ەتۋ جٷكتەلگەن بولاتىن.
اتالعان قاۋلىدا كٶرسەتٸلگەن ساناتقا جاتاتىن جۇمىس بەرۋشٸلەر ۆاكتسينا الماعان نەمەسە 7 كٷن سايىن پتر-تەستٸلەۋ ارقىلى ساۋلىعىن دەلەلدەمەگەن قىزمەتكەرلەردٸ شتاتتىق رەجيمدە جۇمىسقا جٸبەرسە, ايىپپۇل ارقالاۋى مٷمكٸن.
