Almaty mańyndaǵy ushaq apatynan Qazaqstan generaldary keńesiniń tóraǵasy Rústem Qaidarov qaza boldy, dep habarlaidy Sputnik Qazaqstan.
Keńestegiler 79 jastaǵy tóraǵanyń qaza bolǵanyn rastady. Qazirgi kezde shtabta prezidiýmnyń shuǵyl jinalysy shaqyryldy. Sol jerde Qaidarovpen qoshtasý rásimin uiymdastyrý máselesi qaralady.
Rústem Esimhanuly Qaidarov 1940 jyly 18-mamyrda Semei oblysy Besqaraǵai aýdany Sosnovka aýylynda dúniege kelgen. Kirov atyndaǵy QazMÝ-di zańger mamandyǵy boiynsha bitirgen. Keńes Armiiasynyń qatarynda azamattyq boryshyn ótep, KSRO IIM-niń Qazaqstan jáne Qyrzyzstan boiynsha uiymdasqan qylmysqa jáne jemqorlyqqa qarsy kúres jónindegi aimaqaralyq basqarmasynyń bastyǵy bolǵan. Al 1992-1995 jyldary QR ishki ister ministriniń orynbasary - bas tergeý basqarmasynyń bastyǵy. 2000 jyldan beri "Generaldar keńesi" QB tóraǵasy qyzmetin atqardy.
Almaty mańyndaǵy ushaq apaty
"Almaty – Nur-Sultan" baǵyty boiynsha №2100 reisin oryndaǵan Fokker 100 ushaǵy Talǵar aýdanyndaǵy turǵyn alabyna qulady. Ushaq beton qorshaýyn buzyp, eki qabatty ǵimaratqa soǵylǵan. Shuǵyl túrde qutqarý jumystary bastaldy. Órt bolǵan joq. Jolaýshylar men ekipaj múshelerin evakýatsiialaý júrgizildi.
Sońǵy derekter boiynsha qaza tapqandar sany 12 adamǵa jetti, zardap shekkender otyzdan asqan.
Prezidenttiń tapsyrmasymen Premer-ministr basqaratyn komissiia quryldy. Vitse-premer Roman Skliar oqiǵa ornynda júr. Komissiia quramyna indýstriia jne infraqurylymdyq damý ministri jáne basqa da memlekettik organdardyń ókilderi kirdi.
Buǵan qosa, Fokker 100 ushaqtaryn paidalanýǵa ýaqytsha tyiym salyndy.
Jedel qyzmet shtaby qurylyp, shuǵyl jeli jumys istep tur: 8 (7172) 53-32-84, Almaty oblystyq tótenshe jaǵdailar departamenti – 8 (7282) 22-02-13, 22-02-18, Nur-Sultan qalalyq TJD – 8 (7172) 24-52-12, 24- 51-71, 24- 51- 47.
