Ulttyq qaýipsizdik komiteti ishki ister organdarymen birlese 13-24 qańtar aralyǵynda Almatyda jáne Almaty oblysy mańyndaǵy aýdandarda birqatar arnaiy operatsiia júrgizdi, - dep habarlaidy "Ult aqparat" Qazaqstan Respýblikasy UQK baspasóz qyzmetine silteme jasap.
Vedomstvo ókilderiniń aitýynsha, 2 radikal top pen dini-ekstremistik ideologiiany ustanýshy 6 adamnyń is-áreketi beitaraptandyryldy.
"Terrorizmdi nasihattaý, terroristik is-áreketke qatysýǵa daiyndalý, dini alaýyzdyqty qozdyrý jáne qarýdy zańsyz saqtaýǵa qatysty degen aiyppen barlyǵy 15 adam qamaýǵa alyndy. Ustalǵandardyń turatyn mekenjailaryn tintý barysynda 5 granata, halyqaralyq terroristik uiymdardyń atribýtikasy, dini mazmundaǵy ádebiet jáne aqparatty elektrondy tasymaldaýyshtar tárkilendi", - delingen habarlamada.
Sondai-aq qazirgi ýaqytta tergeý is-qimyldarynyń jalǵasyp jatqany habarlanyp otyr.
"Kórsetilgen is-sharalardy júzege asyrý sonymen qatar "Ýniversiada-2017" jarysyn ótkizý kezinde qaýipsizdikti tiisti deńgeide qamtamasyz etýge yqpal jasady", - dep aita ketti baspasóz qyzmetindegiler.
