kollaj: Tengrinews.kz
Almatyda Brýsilovskii kóshesinde ornalasqan «Altyn bulaq-2» turǵyn úi keshenindegi páterler órtenip jatyr. 120-dan astam adam evakýatsiialandy, dep habarlaidy "Ult aqparat".
Almaty qalasy Tótenshe jaǵdailar departamentiniń málimetinshe, departament kúshteri men tehnikasy shaqyrtý boiynsha 11 jeltoqsan saǵat 23:58-de Almaly aýdany, Brýsilovskii kóshesindegi 167 úidegi órtti sóndirýge attanǵan. Olar kelgen sátte, iaǵni saǵat 00:08-de «Altyn bulaq-2» turǵyn úi kesheniniń 6-7, sondai-aq 17-18-shi qabattary qatar janyp jatqan.
«Oqiǵa ornynda jedel shtab quryldy. Gaz jáne tútinnen qorǵaý qyzmetiniń bólimsheleri qazir 120-dan astam adamdy evakýatsiialady, 20 adamdy qutqardy, gidranttarǵa tsisternalar ornatty. Baspaldaq alańdaryndaǵy tútindi azaitýǵa ony tartatyn órt sóndirý kólikteri jumyldyryldy», - delingen baspasóz habarlamasynda.
Tilsiz jaýdy aýyzdyqtaýǵa 70-ten astam qyzmetker men 18 tehnika jumyldyrylǵan. Evakýatsiia júrip jatyr. Sol mańdaǵy jeke kólikterdiń kóptigi órt sóndirý tehnikasyna kedergi bolǵanyna qaramastan, órt sóndirý satylary iske qosylǵan.
