Almatydaǵy "Aqbulaq" shaǵynaýdanynda bolǵan atys kezinde qaza tapqandardyń biri úidiń jańa iesi bolyp shyqty. Bul týraly Almaty qalasy PD basshysynyń orynbasary Rústem Abdrahmanov aitty, dep habarlaidy "Ult aqparat" Sputnik Qazaqstan agenttigine silteme jasap.
Tártip saqshylarynyń aitýynsha, jeke menshik úige sot oryndaýshy politseilermen birge kelgen. Olar bir jarym saǵat boiy úige kire almaǵan. Keiin úidiń ishinen oq atyldy.
"Tragediia shamamen saǵat 17:00-de bolǵan. Sot oryndaýshysy men politseiler sot úkimin oryndaýǵa kelgen. Sol kezde baspanany bosatýǵa mindetti er adam úige kirip ketti de, zańdy túrde tirkelgen qarýdan sot oryndaýshysy men aýlada turǵan adamdarǵa oq atty. Qaitys bolǵandardyń ishinde bizdiń eki qyzmetkerimiz, sot oryndaýshy jáne taǵy eki adam bar. Qaitys bolǵandardyń arasynda úidiń jańa iesi de bar", - dedi Rýstam Ábdirahmanov.
Qazirgi kezde Qylmystyq kodekstiń 99-baby, 2-bóligi boiynsha sotqa deiingi tergeý sharalary bastaldy.
"Bul áreket eki jáne odan da kóp adamdy óltirý qylmysyna jatady. Ondai qylmys úshin 20 jylǵa deiin nemese ómir boiyna bas bostandyǵynan aiyrý jazasy qarastyrylǵan. Arnaiy jasaq kúdiktini ustady. Biz qarý qoldanǵan joqpyz. Óitkeni úide áielder jáne balalar bolǵan", - dep atap ótti Ábdirahmanov.
Buǵan deiin qaitys bolǵandardyń arasynda tótenshe jaǵdailar departamentiniń eki qyzmetkeri bar degen aqparat bolǵan. Alaida tótenshe jaǵdailar ministrligi ol málimetti joqqa shyǵardy.
Qylmysker karabinnen oq atqan. Ony ustaý úshin qarý qoldanylǵan joq. Alaida arnaiy jasaq qyzmetkerleri jumyldyryldy.
Almatydaǵy atys
Búgin saǵat 17:00-de "Aqbulaq" shaǵyn aýdanynda tótenshe oqiǵa boldy. 54 jastaǵy Almaty turǵyny 5 adamdy atyp tastady. Almaty qalasy politsiia departamenti baspasóz qyzmetiniń aqparatyna sáikes, olar sot úkimin oryndaýǵa kelgen.
Úkimge sáikes, úi iesi baspanany bosatýǵa tiis edi. Biraq 1967 jyly týǵan er adam qarsylyq kórsetip, eki politsei men sot oryndaýshyǵa jáne olardyń janyndaǵy eki adamǵa oq atqan. Bireýi - úidiń jańa iesi.
Qaitys bolǵan politsiia qyzmetkerleriniń aty-jóni :
- Alataý aýdandyq politsiia basqarmasyna qarasty jergilikti politsiia qyzmeti bóliminiń ýchaskelik inspektory, politsiia maiory Darhan Daýylbaiuly Súleev, 1982 jyly týǵan;
- Alataý aýdandyq politsiia basqarmasyna qarasty jergilikti politsiia qyzmeti bóliminiń ýchaskelik inspektory, politsiia kapitany Nurbol Nazarbaiuly Baiǵaziev, 1988 jyly týǵan.
