Almatydaǵy tergeý izoliatorynda ortaǵasyrlyq inkvizitsiia úlgisindegi «azaptaý kameralary» bar degen aqparat jalǵan. Bul týraly QR Qylmystyq-atqarý júiesi komiteti tóraǵasynyń orynbasary Meiram Aiýbaev aitty, dep habarlaidy QazAqparat.
«Qazirgi ýaqytta aqparat keńistiginde tergeý izoliatorlary qabyrǵasynda jasalǵan zorlyq-zombylyq delingen jalǵan habarlamalar jappai taratylyp jatyr. Olardyń shyndyqqa janaspaityndyǵyn, qoǵamdy adastyratyndyǵyn jáne oryn alyp jatqan shynaiy jaitty burmalaityndyǵyn jaýapkershilikpen málimdeimiz. Tipti onymen qoimai, Qazaqstannyń syrtynda júrgender Almatydaǵy tergeý izoliatorynda ortaǵasyrlyq inkvizitsiia úlgisindegi «azaptaý kameralary» bar degen «feik» habar taratyp jatyr. Bul múlde jalǵan jáne múmkin emes aqparat»», -dedi Meiram Aiýbaev Ishki ister ministrliginiń baspasóz qyzmeti alańynda ótken brifingide.
