Almatynyń taý bókterinde salynyp jatqan taýnhaýs sot sheshimi boiynsha súrilip jatyr, - dep habarlaidy "Ult aqparat" shahar ákimdiginiń baspasóz qyzmetine silteme jasap.
Nurlytaý shaǵynaýdanynda salynyp jatqan kópqabatty úi búgin sot oryndaýshylarynyń qatysýymen súrile bastaǵan.
"Biyl naýryzda Qala qurylysyn baqylaý basqarmasy júrgizgen jospardan tys tekserý nysannyń zańsyz salynyp jatqanyn anyqtady. Quqyq buzýshylyqtardy joiý týraly uiǵarym shyǵarylyp, nysan iesi ákimshilik jaýapkershilikke tartyldy", - delingen habarlmada.
Ákimdik málimetinshe, nusqama merziminiń ótýine bailanysty zańbuzýshylyqtar joiylmai, osyǵan bailanysty materialdar zańsyz turǵyzylǵan nysandy buzý úshin Bostandyq aýdandyq sotyna joldandy. Aýdandyq sot nysandy buzý týraly oń sheshim shyǵarǵanymen, nysan iesi oǵan keri shaǵymdanǵan.
"Sot otyrysynyń qorytyndysy boiynsha Almaty qalalyq soty Bostandyq aýdandyq sotynyń sheshimin ózgerissiz qaldyrý týraly sheshim qabyldady", - delingen habarlmada.
