الماتىنىڭ تاۋ بٶكتەرٸندە سالىنىپ جاتقان تاۋنحاۋس سوت شەشٸمٸ بويىنشا سٷرٸلٸپ جاتىر, - دەپ حابارلايدى "ۇلت اقپارات" شاھار ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
نۇرلىتاۋ شاعىناۋدانىندا سالىنىپ جاتقان كٶپقاباتتى ٷي بٷگٸن سوت ورىنداۋشىلارىنىڭ قاتىسۋىمەن سٷرٸلە باستاعان.
"بيىل ناۋرىزدا قالا قۇرىلىسىن باقىلاۋ باسقارماسى جٷرگٸزگەن جوسپاردان تىس تەكسەرۋ نىساننىڭ زاڭسىز سالىنىپ جاتقانىن انىقتادى. قۇقىق بۇزۋشىلىقتاردى جويۋ تۋرالى ۇيعارىم شىعارىلىپ, نىسان يەسٸ ەكٸمشٸلٸك جاۋاپكەرشٸلٸككە تارتىلدى", - دەلٸنگەن حابارلمادا.
ەكٸمدٸك مەلٸمەتٸنشە, نۇسقاما مەرزٸمٸنٸڭ ٶتۋٸنە بايلانىستى زاڭبۇزۋشىلىقتار جويىلماي, وسىعان بايلانىستى ماتەريالدار زاڭسىز تۇرعىزىلعان نىساندى بۇزۋ ٷشٸن بوستاندىق اۋداندىق سوتىنا جولداندى. اۋداندىق سوت نىساندى بۇزۋ تۋرالى وڭ شەشٸم شىعارعانىمەن, نىسان يەسٸ وعان كەرٸ شاعىمدانعان.
"سوت وتىرىسىنىڭ قورىتىندىسى بويىنشا الماتى قالالىق سوتى بوستاندىق اۋداندىق سوتىنىڭ شەشٸمٸن ٶزگەرٸسسٸز قالدىرۋ تۋرالى شەشٸم قابىلدادى", - دەلٸنگەن حابارلمادا.
