Facebook áleýmettik jelisinde Almaty ortalyǵynda taiaq jáne temirmen qarýlanǵan terrorister áskerilerdi uryp jatqany túsirilgen video jariialandy, - dep habarlaidy Tengrinews.kz tilshisi.
Video avtorynyń aitýynsha, oqiǵa Seifýllin men Shevchenko kósheleri qiylysynda bolǵan.
"Taiaq jáne temirmen qarýlanǵan terrorister Almaty ortalyǵynda áskerilerdi uryp jatyr. 5 qańtar, saǵat 15.40. Video-dálel", - deidi video avtory Jandos Qurmanbaev.
Almatylyq Jandos Qurmanbaev terezeden 15 minýttyq video túsirgen.
"Sol kúnderi men Almatydaǵy oqiǵalar kýási boldym. Terezemniń túbinen 5 qańtarda saǵat 14:40-ta Ulttyq ulannyń 1200-ge jýyq sarbazy jáne arnaiy maqsattaǵy mobildi jasaqtyń 500 jaýyngeri ótti.
Olardyń artynan, esepteýim boiynsha, shamamen 15 myń adam ketti, olardyń edáýir bóligi áskeri qalqan men taiaq, temirmen qarýlanǵan.
Meniń baǵalaýym boiynsha jáne 5 qańtarda jariialaǵan videoda "narazylyq bildirýshiler" arasynda taiaqpen qarýlanǵan keminde úsh myń adam boldy.
Kóbi jastar 17 jastan 25 jasqa deiingiler", - dedi Jandos Qurmanbaev.
