IIM Tergeý departamentiniń bastyǵy Sanjar Ádilov qańtardaǵy jappai tártipsizdik kezinde kúdiktiler qandai qylmys jasaǵanyn aitty, - dep habarlaidy Tengrinews.kz.
"6 qańtarda Almatyda Túrkistan oblysynyń eki turǵyny bankomatty buzyp, million teńge qarjy urlaǵan. Kúdiktilerdiń kinási beinejazba men tergeý áreketteri arqyly dáleldendi", - deidi Ádilov OKQ brifinginde.
Odan bólek, 8 qańtarda Túrkistan oblysynda buryn urlyq jáne tonaǵany úshin sottalǵan eki jergilikti turǵyn ustaldy. Olar Almatydaǵy tártipsizdikter kezinde tehnikalyq saýda dúkeninen bes Canon fotoapparatyn, Acer noýtbýgyn, úsh IPhone-12 jáne Samsung jáne Tóle bi kóshesindegi zergerlik dúkennen 11 áshekeidi urlap ketken.
