Almatyda jappai tártipsizdik kezinde joǵalǵan múliktiń quny memlekettik biýdjetten nemese «Kúshimiz birlikte» qorynan óteledi. Bul týraly qala ákiminiń orynbasary Iliias Óserov aitty, dep habarlaidy QazAqparat.
Ákim orynbasarynyń aitýynsha, zalaldy óteý joǵalǵan múliktiń qunyn tóleý nemese zardap shekken adamdarǵa tiesili búlingen múlikti qalpyna keltirý jumystary arqyly júzege asyrylady.
Joǵalǵan múliktiń quny memlekettik biýdjetten nemese «Kúsh birlikte» qorynan óteledi.
Sonymen qatar, onyń mólsherin óńirlik jáne Qordyń komissiiasy aiqyndaidy.
«Jergilikti atqarýshy organdar men Qor qyzmetterdi kórsetý úshin baǵalaý jáne aýditorlyq kompaniialardyń tizbesin aldyn ala aiqyndaidy jáne tizbeni internet-resýrsta ornalastyrady. Bul rette múlikke baǵalaý men aýdit júrgizýge, smeta jasaýǵa jáne búlingen múlikti qalpyna keltirý shyǵyndaryn kalkýliatsiialaýǵa bailanysty qyzmetterge aqy tóleý ákimdikke nemese Qorǵa júkteledi», - dep atap ótti Iliias Óserov.
Múlik qunyn óteý mólsheri múlikti qalpyna keltirý úshin qajetti shyǵystar men arzandatý mólsherin negizge ala otyryp anyqtalady.
Almaty ákiminiń orynbasary jyljymaityn múlikti jóndeý shyǵyndaryn smetamen nemese ony qalpyna keltirý shyǵyndarynyń kalkýliatsiiasymen rastaý qajettigin atap ótti.
Kólikti aidap áketý jaǵdailaryna keletin bolsaq, olar 2022 jylǵy qańtardaǵy jekelegen óńirlerdegi tártipsizdikter nátijesinde joiylyp ketken kólikterdi qospaǵanda, qylmystyq zańnama sheńberinde tergelýde.
