الماتىدا جاپپاي تەرتٸپسٸزدٸك كەزٸندە جوعالعان مٷلٸكتٸڭ قۇنى مەملەكەتتٸك بيۋدجەتتەن نەمەسە «كٷشٸمٸز بٸرلٸكتە» قورىنان ٶتەلەدٸ. بۇل تۋرالى قالا ەكٸمٸنٸڭ ورىنباسارى ٸليياس ٶسەروۆ ايتتى, دەپ حابارلايدى قازاقپارات.
ەكٸم ورىنباسارىنىڭ ايتۋىنشا, زالالدى ٶتەۋ جوعالعان مٷلٸكتٸڭ قۇنىن تٶلەۋ نەمەسە زارداپ شەككەن ادامدارعا تيەسٸلٸ بٷلٸنگەن مٷلٸكتٸ قالپىنا كەلتٸرۋ جۇمىستارى ارقىلى جٷزەگە اسىرىلادى.
جوعالعان مٷلٸكتٸڭ قۇنى مەملەكەتتٸك بيۋدجەتتەن نەمەسە «كٷش بٸرلٸكتە» قورىنان ٶتەلەدٸ.
سونىمەن قاتار, ونىڭ مٶلشەرٸن ٶڭٸرلٸك جەنە قوردىڭ كوميسسيياسى ايقىندايدى.
«جەرگٸلٸكتٸ اتقارۋشى ورگاندار مەن قور قىزمەتتەردٸ كٶرسەتۋ ٷشٸن باعالاۋ جەنە اۋديتورلىق كومپانييالاردىڭ تٸزبەسٸن الدىن الا ايقىندايدى جەنە تٸزبەنٸ ينتەرنەت-رەسۋرستا ورنالاستىرادى. بۇل رەتتە مٷلٸككە باعالاۋ مەن اۋديت جٷرگٸزۋگە, سمەتا جاساۋعا جەنە بٷلٸنگەن مٷلٸكتٸ قالپىنا كەلتٸرۋ شىعىندارىن كالكۋلياتسييالاۋعا بايلانىستى قىزمەتتەرگە اقى تٶلەۋ ەكٸمدٸككە نەمەسە قورعا جٷكتەلەدٸ», - دەپ اتاپ ٶتتٸ ٸليياس ٶسەروۆ.
مٷلٸك قۇنىن ٶتەۋ مٶلشەرٸ مٷلٸكتٸ قالپىنا كەلتٸرۋ ٷشٸن قاجەتتٸ شىعىستار مەن ارزانداتۋ مٶلشەرٸن نەگٸزگە الا وتىرىپ انىقتالادى.
الماتى ەكٸمٸنٸڭ ورىنباسارى جىلجىمايتىن مٷلٸكتٸ جٶندەۋ شىعىندارىن سمەتامەن نەمەسە ونى قالپىنا كەلتٸرۋ شىعىندارىنىڭ كالكۋلياتسيياسىمەن راستاۋ قاجەتتٸگٸن اتاپ ٶتتٸ.
كٶلٸكتٸ ايداپ ەكەتۋ جاعدايلارىنا كەلەتٸن بولساق, ولار 2022 جىلعى قاڭتارداعى جەكەلەگەن ٶڭٸرلەردەگٸ تەرتٸپسٸزدٸكتەر نەتيجەسٸندە جويىلىپ كەتكەن كٶلٸكتەردٸ قوسپاعاندا, قىلمىستىق زاڭناما شەڭبەرٸندە تەرگەلۋدە.
