Almaty qalasy ákiminiń orynbasary Erjan Babaqumarov Ortalyq qalalyq klinikalyq aýrýhana ujymymen beinekezdesý ótkizdi, dep habarlaidy "Ult aqparat".
Jiynǵa Qoǵamdyq densaýlyq saqtaý basqarmasy men Taýarlar men qyzmetterdiń sapasy men qaýipsizdigin baqylaý departamentiniń basshylyǵy qatysty. Kezdesýde Ortalyq qalalyq klinikalyq aýrýhanaǵa ýaqytsha ornalastyrylǵan dárigerler men meditsinalyq qyzmetkerlerdiń máselelerin sheshý joldary qarastyryldy.
Búginde aýrýhana aýmaǵyndaǵy koronavirýstyq infektsiianyń oshaǵy aýyzdyqtalyp, birinshi jáne ekinshi deńgeide bailanys ornatqandar anyqtaldy. Ortalyq qalalyq klinikalyq aýrýhananyń basshysy mindetin atqarýshy Marat Abdýllaev ótken táýlikte aýrýhana aýmaǵyndaǵy 316 tulǵadan analiz ekinshi qaitara alynǵanyn málimdedi.
Búgin taǵy 249 adam qaita testileýden ótedi. Sonymen birge, aýrýhananyń bas dárigeri osyǵan deiin aitylǵan usynystardyń eskerilgenin tilge tiek etti. Eń aldymen emhanada antiseptikalyq jáne dezinfektsiialyq quraldar artyp, tamaqpen qamtamasyz etý máselesi de sheshimin tapty.
Jiynǵa oftalmologiia bóliminiń meńgerýshisi B. Joldasov, travmotologiia bóliminiń meńgerýshisi B. Erǵaliev, fizioterapiialyq bólim meńgerýshisi A. Tórequlova, sonymen birge, QazMÚBBÝ travmotologiia jáne ortopediia kafedrasynyń dotsenti K. Orazaliev pen «AGjPǴO» AQ táýelsiz direktory, azamattyq belsendi A. Áljanova qatysty.
Qala ákiminiń orynbasary Erjan Babaqumarov COVID-19 test der kezinde alynyp, onyń nátijesi ár adamǵa ýaqytyly berilý kerektiginiń mańyzdylyǵyn atap ótti. Nátijesi teris shyqqan dárigerler men meditsina qyzmetkerleri arnaiy daiyndalǵan qonaq úi keshenderine inkýbatsiialyq kezeń aiaqtalǵanǵa deiin karantinge jatqyzylady.
«Aýrýhana qyzmetkerlerin qaita tekserý jáne saraptama nátijelerin qoldaryna berýge basymdyq berip otyrmyz», – dep atap ótti Erjan Babaqumarov.
Sondai-aq, qala ákiminiń orynbasary Erjan Babaqumarov meditsinalyq joǵary oqý oryndary basshylarynyń qatysýymen ótken kezdesýde meditsinalyq uiymdarǵa bekitilgen dáriger-rezidentterdiń eńbek qaýipsizdigin qamtamasyz etý máselelerin kóterdi. Búginde olardyń arasynda koronavirýs infektsiiasyn juqtyrý jaǵdailary tirkelgen. Atalǵan naýqastar qazir infektsiialyq statsionarlarda em alýda. Bul rette naýqastarǵa qoldaý kórsetý, sonyń ishinde psihologiialyq kómek berý joǵary oqý oryndarynyń rektorlaryna tabystaldy.
Qoǵamdyq densaýlyq saqtaý basqarmasyna sapaly meditsinalyq qyzmet kórsetýdi qamtamasyz etý boiynsha jan-jaqty sharalar qabyldaý qajettigi tapsyryldy. Búginde atalǵan juqtyrý faktileri boiynsha Taýarlar men qyzmetterdiń sapasy men qaýipsizdigin baqylaý departamentimen epidemiologiialyq tekserýler júrgizilýde.
