Almaty qalasynyń ákimi Baqytjan Saǵyntaev jumys sapary kezinde shaǵyn óndiristik parkter qurý jobasynyń júzege asyrylý barysymen tanysty, munda 1 myńnan astam jumys orny ashylatyn bolady, dep habarlaidy "Ult aqparat".
Megapolis ákimi Baqytjan Saǵyntaev Almatynyń indýstrialdy aimaǵyndaǵy tórt shaǵyn óndiristik parktiń qurylys qarqynymen tanysty. «Kaz Stroy Trade» JShS, «ADS Industries» JShS, «Ala Estate» JShS, «D&J Investments & Logistic» JShS. Bul kompaniialar 22 myń sharshy metr óndiristik alańdardy ashýǵa daiyn. Munda taý-ken, jihaz jáne jeńil ónerkásip salalarynyń 30 kásiporyndary ashylyp, olarda 800-den jumys oryny qurylady.
Baqytjan Saǵyntaev injenerlik jelilerdi tartý, syrtqy árleý jáne aýmaqty abattandyrý jumystaryn merziminde ári sapaly aiaqtaýdy tapsyrdy. Indýstrialdy aimaqtaǵy alǵashqy úsh óndiristik parkti iske qosý aǵymdaǵy jyldyń maýsym aiyna josparlanǵan. Investitsiialyq jobalardyń quny 3,2 mlrd teńgeden astam.
Jalpy alańy 13,4 myń sharshy metrdi quraityn taǵy tórt shaǵyn óndiristik parkter Naýryzbai, Alataý jáne Túrksib aýdandarynda quryldy. Olarda 32 kásiporyn ornalasqan, 230 jańa jumys orny ashyldy. Nysandar buryn jumys istemei turǵan óndiristik bazalardy reknostrýktsiialaý arqyly jáne «Almaty Finance» JShS jeńildetilgen qarjylandyrý esebinen paidalanýǵa berildi. Qurylysqa 1,1 mlrd teńgege jýyq jeke investitsiia salyndy.
Naýryzbai aýdanyndaǵy «Brot Master» JShS shaǵyn óndiristik parki 2020 jyly iske qosyldy. Munda, 2,2 myń sharshy metr alańda tamaq ónerkásibi salasyndaǵy sýsyndar shyǵaratyn, kofe qýyratyn jáne qamyr daiarlaityn alty kompaniia ashyldy. Budan bólek, 2021 jyldyń sońyna deiin jańadan salynyp jatqan alańdar paidalanýǵa beriledi.
Sondai-aq, Naýryzbai aýdanynda ótken jyldan beri alańy 4 myń sharshy metrdi quraityn «Ala Estate» JShS park jumys isteidi. Qazirgi kezde munda jihaz, galantereia buiymdaryn, keńse taýarlaryn, betperde men tamaq oramalaryn shyǵaratyn 7 óndiristik park ashylǵan.
Túrksib aýdanynda «Samruk Group» JShS 5,7 myń sharshy metr alańdy daiyndady. Búginde munda qurylys materialdaryn, qaǵazdan jasalǵan buiymdar men dezinfektsiialaýshy zattardy shyǵaratyn 16 shaǵyn kásiporyn óz jobalaryn iske asyrýda.
Alataý aýdanyndaǵy «Asia Prom Textile» JShS jańa óndiristik parkin iske qosý aǵymdaǵy jyldyń mamyr aiyna josparlanǵan.
Almaty ákimi Baqytjan Saǵyntaev kásipkerlerdiń qoljetimdi alańdardyń arqasynda biznesin ashýǵa nemese keńeitýge múmkindik alatyn shaǵyn óndiristik parkterdi qurý jobasynyń mańyzdy ekenin atap ótti.
Devalvatsiialyq táýekelderge qaramastan sharshy metr alańdy 5-7 jylǵa deiin jalǵa alýdyń saralanǵan baǵasy belgilengen. Osylaisha, qalada daiyn óndiristik alańdardyń tapshylyǵy máselesi sheshilýde.
Almaty ákiminiń bastamasymen jáne Almaty Business-2025 baǵdarlamasy aiasynda shaǵyn jáne orta biznesti qoldaý jónindegi keshendi sharalar aiasynda júzege asyrylǵan jobanyń ereksheligi - investorlarǵa jeńildikpen nesie berý.
Sonymen birge, olar óz qarajattaryn bos ǵimarattardy qalpyna keltirýge nemese infraqurylymy bar jańa úi-jai salýǵa jumsaidy. Jobaǵa qosymsha retinde óndiristik parktiń qatysýshylaryna jylyna 2%-ben nesie berý múmkindigi qarastyrylǵan.
Jalpy Almatyda shaǵyn jáne orta biznesti qoldaýdyń túrli baǵdarlamalary aiasynda kásipkerlik salasynda 10 myńnan astam jumys ornyn qurý mindeti qoiyldy, bul megapolis ekonomikasynyń damýyna yqpal etpek.
