Qalanyń kommýnaldyq qyzmetteri ózen arnalary men aryq jelisin tazalaý jumystaryn jalǵastyrýda, dep habarlaidy "Ult aqparat".
Tasqynǵa qarsy is-sharalar kommýnaldyq qyzmetterdiń baqylaýynda.
Saǵat 13:30-daǵy jaǵdai boiynsha Almaty qalasynda 18 sý basý jaǵdaiy tirkeldi, onyń ishinde 16 aýmaqta jumystar aiaqtaldy. Oǵan 86 adam, 20 tehnika, 1 sorǵy stantsiiasy men 9 motopompa jumyldyryldy.
Eki aýmaqta jumystar áli de jalǵasýda: Bostandyq aýdany «Baǵanashyl» yqshamaýdany men Jetisý aýdanyndaǵy «Kemel» yqshamaýdany.
«Kazseldenqorǵaý» málimetine sáikes, Úlken Almaty ózeni negizgi sý deńgeii 201 sm, shyǵyn sekýndyna 4,55 tekshe metr. Kishi Almaty dambysyndaǵy sý deńgeii 50 sm, shyǵyn 5,5 tekshe/sek. Sý bólgishten Kishi Almatyǵa 2 tekshe/sek deiin baǵyttalýda. Esentai ózenine 3,5 tekshe/sek sý aǵyzyldy. Sý deńgeii tómendedi, jyldamdyq ortasha.
