Almaty metrosy «Altyn Orda» bazaryna deiin sozylmaq. Bul týraly qala ákiminiń orynbasary Serik Qusaiynov brifing barysynda málim etti, dep habarlaidy QazAqparat.
Onyń aitýynsha, Almatyda salynyp jatqan metronyń baǵyty túzetiledi.
«Endi metropoliten jelisi Qalqaman eldi mekeni arqyly ótpeidi. Batys arqyly, jańa Naýryzbai aýdany arqyly ótedi. Alataý kóshesimen tómen túsedi. Qosymsha eki stantsiia salynady, sońǵysy «Altyn Orda» bazaryna deiin jetedi. Osylaisha Naýryzbai aýdanynyń batys bóligin qala ortalyǵymen bailanystyramyz», – dedi Serik Qusaiynov.
Almaty ákiminiń orynbasary Serik Qusaiynovtyń pikirinshe, bul 150 myń turǵynǵa yńǵaily bolmaq.
