الماتى مەتروسى «التىن وردا» بازارىنا دەيٸن سوزىلماق. بۇل تۋرالى قالا ەكٸمٸنٸڭ ورىنباسارى سەرٸك قۇسايىنوۆ بريفينگ بارىسىندا مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, الماتىدا سالىنىپ جاتقان مەترونىڭ باعىتى تٷزەتٸلەدٸ.
«ەندٸ مەتروپوليتەن جەلٸسٸ قالقامان ەلدٸ مەكەنٸ ارقىلى ٶتپەيدٸ. باتىس ارقىلى, جاڭا ناۋرىزباي اۋدانى ارقىلى ٶتەدٸ. الاتاۋ كٶشەسٸمەن تٶمەن تٷسەدٸ. قوسىمشا ەكٸ ستانتسييا سالىنادى, سوڭعىسى «التىن وردا» بازارىنا دەيٸن جەتەدٸ. وسىلايشا ناۋرىزباي اۋدانىنىڭ باتىس بٶلٸگٸن قالا ورتالىعىمەن بايلانىستىرامىز», – دەدٸ سەرٸك قۇسايىنوۆ.
الماتى ەكٸمٸنٸڭ ورىنباسارى سەرٸك قۇسايىنوۆتىڭ پٸكٸرٸنشە, بۇل 150 مىڭ تۇرعىنعا ىڭعايلى بولماق.
