Almatydaǵy infektsiialyq aýrýhanalarda 29 mamyrdaǵy jaǵdai boiynsha meningokokk infektsiiasyn juqtyrǵan 30 adam jatyr, - dep habarlaidy "Ult aqparat" qalalyq Densaýlyq saqtaý basqarmasynyń baspasóz qyzmetine silteme jasap.
Osyǵan bailanysty dárigerler derttiń alǵashqy belgileri bastalǵanda - tamaq aýyrý, bas aýrýy, temperatýra kóterilgen jaǵdaida, denede bórtpeler paida bolǵan jaǵdaida birden 103 nómiri arqyly jedel járdem qyzmetkerlerin nemese ýchaskelik dárigerdi shaqyrýǵa keńes beredi.
"Barlyq meditsinalyq uiym (emhanalar) kúndelikti saǵat 8.00-den 20.00-ge deiin jumys isteidi. Birden dárigerge kórinýdiń óte mańyzdy ekenin aityp ótý kerek. Osy oraida jabyq ǵimarattarda adam kóp jerde ótetin mádeni jáne sporttyq is-sharalarǵa barǵanda, sondai-aq, basseinge barǵanda abai bolýlaryn suraimyz. Óz densaýlyǵyńyz óz qolyńyzda ekenin este saqtaý qajet", - dep keńes berdi dárigerler.
Eske sala keteiik, bul dertten tórt adam kóz jumdy. Olardyń biri stýdent, endi biri balabaqshaǵa baryp júrgen búldirshin jáne eki eresek adam.
26 mamyrdaǵy jaǵdai boiynsha, Almatyda 29 adamda meningokokk infektsiiasy rastaldy: 26 eresek adam jáne úsh bala. Tórt adam jazylyp, aýrýhanadan shyqty, tórt adam kóz jumdy.
Meningokokk infektsiiasy - infektsiialyq juqpaly aýrý, ol túrli klinikalyq belgilermen bakteriialar arqyly paida bolady - taratýshyda belgileri bilinbeitin bolýy da múmkin nemese nazofaringitten (muryn-jutqynshaq qabynýy), meningitten (mi qabyǵynyń qabynýy) bolýy múmkin. Infektsiianyń kózi - aýrý adamdar jáne deni saý taratýshylar.
