Almatydaǵy oiyn-saýyq ortalyqtarynyń birinde balanyń ústine oiynshyq músin qulap ketti, dep habarlaidy "Ult aqparat".
Oqys oqiǵa «Mega» saýda, oiyn-saýyq ortalyǵynda boldy.
Bul týraly áleýmettik jelide Baqytjan Bazarbek esimdi qoldanýshy jazba jariialady.
«Búgin Almatydaǵy «Mega» oiyn-saýyq ortalyǵynda dosymnyń ulynyń ústine úlken oiynshyq músini qulap ketti. Úlken músin bar bolǵany skotchpen jabystyrylǵan», - dep jazdy ol.
Kishkentai balanyń ákesi Jánibek Bashanovtyń aitýynsha, ulynyń miy shaiqalǵan. Sonymen qatar, júktiligine toǵyz ai bolǵan áieli shoshyp qalǵan.
«Abyroi bolǵanda, balam aman. Biraq, onyń miy shaiqaldy. Qazir biz tekserilip jatyrmyz. Ázirge politsiiaǵa aryzdanbadyq. Aldaǵy ýaqytta sotqa júginemiz», - deidi zardap shekken balanyń ákesi Jánibek Bashanov.
