Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Almatydaǵy mańyzdy kólik jolairyǵynyń qurylysy jaqynda aiaqtalady

Ult portaly
Almatydaǵy mańyzdy kólik jolairyǵynyń qurylysy jaqynda aiaqtalady


Almaty ákimi Baqytjan Saǵyntaev kólik jolairyqtaryn, metro stantsiialaryn qurylysy men Abai dańǵylyn uzartý jumystarynyń barysyn tekserdi, dep habarlaidy QazAqparat.

Rysqulov dańǵyly men Emtsov kóshesiniń qiylysynda kólik jolairyǵynyń qurylysy aiaqtalýǵa jaqyn. Rysqulov dańǵyly arqyly ótetin estakadada jol jabynyn ornatýǵa daiyndyq júrgizilip jatyr. Jaqyn ornalasqan aýmaq abattandyrylýda. 

Estakadanyń uzyndyǵy – 186 metr. Buryndary jeke búiirli sezder boiynsha kólik qozǵalysy ashylǵan bolatyn. Jolairyq Rysqulov dańǵyly boiynsha kólik ótkizý qabiletin táýligine 80 myń avtomobilge deiin, Emtsov kóshesi boiynsha – 40 myńǵa deiin arttyrady.

Sonymen qatar Almaty ákimi Momyshuly kóshesinen Naýryzbai aýdanynyń ákimshilik ortalyǵyna deiingi uzyndyǵy 3,5 shaqyrym ýchaskeniń qurylysy men Abai dańǵylyn uzartý jumystarynyń barysymen tanysty. 

Ár baǵytta qozǵalys úshin 3 jolaq qarastyrylǵan. Áshimov kóshesiniń ústinen 400 metrlik estakada salý jalǵasýda. Bul ýchaskedegi qozǵalys ýaqytsha syzba boiynsha uiymdastyrylady.

Almaty ákimi Baqytjan Saǵyntaev sondai-aq aralyq tonnelderden jáne «Saryarqa» jáne «B. Momyshuly» eki stantsiiadan turatyn metropolitenniń ekinshi iske qosý kesheni obektileriniń qurylys barysyn tekserdi. Munda árleý jumystary aiaqtalyp, jabdyqtar ornatylýda jáne elektromontaj jumystary júrgizilip jatyr.

Budan ózge megapolis ákimi Jandosov kóshesindegi avtobýs kóshe-jol jelisin rekonstrýktsiialaý jumystarynyń aýqymyn baǵalady. Súleimenov kóshesinen Úlken Almaty ózenine deiingi ýchaskeniń uzyndyǵy 1 shaqyrym.

Osylaisha, Mustafin - Súleimenov - Jandosov - Timiriazev kóshelerimen Jeltoqsan kóshesine deiin uzyndyǵy 8,7 shaqyrym BRT jelisiniń birinshi ýchaskesiniń qurylysy aiaqtalady.

Jumys sapary kezinde Almaty ákimi «Qalqaman-2» shaǵyn aýdanyndaǵy 1800 oryndy mektep qurylysynyń barysymen tanysty. Qurylys jyl sońyna deiin aiaqtalady.


Oqi otyryńyz