Almaty ákimi Baqytjan Saǵyntaev qala mańynda Talǵarǵa deiin jeńil relsti kólik jelisin salý jospary týraly aitty, - dep habarlaidy Tengrinews.kz.
Ákimniń aitýynsha, ol bul jobany Úkimetke 2019 jyly usynǵan. Joba QTJ-men pysyqtalǵan, alaida QTJ-da da, qala biýdjetinde de qajetti qarajat bolmaǵan. Ákimdik osy jobaǵa qyzyǵýshylyq tanytqan jeke investordy tapty.
"Elektr poiyzdy Talǵardan Halyk Arena-ǵa deiin jeńil relsti bazada iske qosýdy josparlap otyrmyz. Múmkin investor Talǵar men eki ortada ózi úshin qandai da bir baza salatyn shyǵar, al biz bul kólikti sýbsidiialaimyz. Talqylaý barysynda investor "Almaty 2" vokzalyna deiin jetkizý týraly usynys tastady. Onyń vokzal mańynda ǵimaraty bar, onda biz depo jasaimyz, sonda Talǵardan birden "Almaty 2" vokzalyna ótýge bolady. Eger tar tabandy emes, keń tabandy jol jasasaq, onda poiyz QTJ relsterimen "Almaty 1" bektine de jete alady. Biz bul jelini Tole bi boiyndaǵy LRT jobasymen JEO-ǵa qosý ideiasy bar ekenin usyndyq, ony uzaq talqyladyq. Olardyń sarapshylary osy jobany qarap, kelisti", - dedi Almaty ákimi.
