الماتى ەكٸمٸ باقىتجان ساعىنتاەۆ قالا ماڭىندا تالعارعا دەيٸن جەڭٸل رەلستٸ كٶلٸك جەلٸسٸن سالۋ جوسپارى تۋرالى ايتتى, - دەپ حابارلايدى Tengrinews.kz.
ەكٸمنٸڭ ايتۋىنشا, ول بۇل جوبانى ٷكٸمەتكە 2019 جىلى ۇسىنعان. جوبا قتج-مەن پىسىقتالعان, الايدا قتج-دا دا, قالا بيۋدجەتٸندە دە قاجەتتٸ قاراجات بولماعان. ەكٸمدٸك وسى جوباعا قىزىعۋشىلىق تانىتقان جەكە ينۆەستوردى تاپتى.
"ەلەكتر پويىزدى تالعاردان Halyk Arena-عا دەيٸن جەڭٸل رەلستٸ بازادا ٸسكە قوسۋدى جوسپارلاپ وتىرمىز. مٷمكٸن ينۆەستور تالعار مەن ەكٸ ورتادا ٶزٸ ٷشٸن قانداي دا بٸر بازا سالاتىن شىعار, ال بٸز بۇل كٶلٸكتٸ سۋبسيدييالايمىز. تالقىلاۋ بارىسىندا ينۆەستور "الماتى 2" ۆوكزالىنا دەيٸن جەتكٸزۋ تۋرالى ۇسىنىس تاستادى. ونىڭ ۆوكزال ماڭىندا عيماراتى بار, وندا بٸز دەپو جاسايمىز, سوندا تالعاردان بٸردەن "الماتى 2" ۆوكزالىنا ٶتۋگە بولادى. ەگەر تار تاباندى ەمەس, كەڭ تاباندى جول جاساساق, وندا پويىز قتج رەلستەرٸمەن "الماتى 1" بەكتٸنە دە جەتە الادى. بٸز بۇل جەلٸنٸ تولە بي بويىنداعى LRT جوباسىمەن جەو-عا قوسۋ يدەياسى بار ەكەنٸن ۇسىندىق, ونى ۇزاق تالقىلادىق. ولاردىڭ ساراپشىلارى وسى جوبانى قاراپ, كەلٸستٸ", - دەدٸ الماتى ەكٸمٸ.
