Almatydaǵy krematoriidiń qurylysy 2021 jyldyń qyrkúieginde aiaqtalady. Bul týraly memlekettik satyp alý saitynda jariialandy, dep habarlaidy "Ult aqparat".
Kelisimshartqa sáikes, krematorii Almaty qalasy Alataý aýdany Aqyn Sara kóshesiniń soltústiginde, JEO-2 shyǵysyna qarai ornalasqan patologoanatomiialyq biýro janynan (syrtqy injenerlik jelilersiz) salynady.
Qurylystyń aiaqtalý merzimi - 2021 jyldyń qyrkúiek aiy.
Qurylys quny - 1,3 mlrd teńge.
Aita keteiik, 2020 jyldyń jazynda krematorii qurylysynyń jobalyq-smetalyq qujattaryn ázirleýge tender jariialanǵan bolatyn.
Máitti órteýge arnalǵan nysan bir úlken bólme men eki peshten turatyn bolady. Onyń jobalyq-smetalyq qujattamasyn daiyndaýǵa 46 mln teńge bólingen.
Tapsyrys berýshi – Almaty qalasy jaily qalalyq orta basqarmasy.
