Almaty qalasynyń ákimi Baqytjan Saǵyntaev 20 sáýirden bastap jumysyn bastaǵaly otyrǵan birqatar ónerkásip jáne qurylys kásiporyndaryn aralady, dep habarlaidy "Ult aqparat".
Qala ákimi salynyp jatqan «Terra» saýda kesheni, Naýryzbai aýdanyndaǵy zańdy tulǵalarǵa arnalǵan HQKO, «Hyundai Trans Kazakhstan», AZTM jáne «Almatyenergoservis» zaýyttaryn aralap kórdi.
Jumysty qaita bastaityn kásiporyndardan qyzmetkerlerdiń sanitarlyq qaýipsizdigin qamtamasyz etý talap etiledi. Qurylys alańdary men kásiporyndarda dezinfektsiialaý jumystary turaqty túrde júrgizilýi tiis. Qyzmetkerler jeke qorǵanys quraldarymen qamtamasyz etiledi. Kireberisterde zararsyzdandyrý stantsiialary jabdyqtalady, sondai-aq, jumysshylardyń dene qyzýy tekseriletin bolady. Qoljetimdi jerlerde sanitaizerler ornalastyrylyp, jumys oryndarynda jáne ashanalarda qaýipsiz qashyqtyq qamtamasyz etiledi.
«Qyzmetkerlerdiń qaýipsizdigi únemi qamtamasyz etilýi tiis. Bul oryndalýy tiis jumystardy tekseretin quramynda sanepidemiologtar men «Atameken» UKP ókilderi bar komissiianyń basty talaby. Quqyq buzýshylyq oryn alǵan jaǵdaida jumys berýshi jaýapkershilikke tartylady. Al kompaniia qyzmetin TJ rejimi aiaqtalǵanǵa deiin toqtatamyz», – dep atap ótti Baqytjan Saǵyntaev.
Qala ákimi tez qurastyrylatyn modýldik bloktardan turatyn gospital qurylysynyń barysymen tanysty. 280 orynǵa arnalǵan gospital provizorlyq ortalyq bolady.
Onda bailanysta bolǵandar men SOVID-19 infektsiiasyn juqtyrǵan adamdar jatady. Nysan 90%-ǵa daiyn. Qazirgi ýaqytta personal iriktelip, jabdyqtar jinaqtalyp jatyr.
