Búgin Almatyda qalalyq qoǵamdyq densaýlyq saqtaý basqarmasynyń basshysy Tileýhan Ábildaev pen qalalyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Ásel Halyqova brifing ótkizdi, dep habarlaidy QazAqparat.
Tileýhan Ábildaevtyń aitýynsha, koronavirýs juqpasy tabylǵan tulǵalardyń jaǵdaiy turaqty.
«Bir patsient 9 naýryzda Almatyǵa kelgen. 1b sanaty boiynsha úi karantininde jatqan. Ekinshi patsient 12 naýryz túnde Germaniiadan keldi. Bul ýaqytta bul el 1a sanatyna ótken. Sol úshin kelgen 12 jolaýshy ekipajben birge I.Jekenova atyndaǵy infektsiialyq aýrýhanada statsionarǵa oqshaýlanǵan. Barlyǵy DDU protokolyna sai emdelip jatyr. Qazir barlyǵy 1 sanat boiynsha kóprofildi statsionarlarda 476 adam jatyr. №1 kópbeiindi meditsinalyq ortalyqta - 197, 2 aýrýhanada – 168 adam, №1 aýrýhanada - 111 adam karantinde jatyr»,- dedi T.Ábildaev.
Basqarma basshysynyń aitýynsha, qalada qajetti dári dármek pen zararsyzdandyrý quraldary jetkilikti.
Eske sala ketsek, buǵan deiin basqarma basshysy Almatyda koronavirýspen kúreske qansha qarajat bólingenin aitqan edi.
