بٷگٸن الماتىدا قالالىق قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ پەن قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى ەسەل حالىقوۆا بريفينگ ٶتكٸزدٸ, دەپ حابارلايدى قازاقپارات.
تٸلەۋحان ەبٸلداەۆتىڭ ايتۋىنشا, كوروناۆيرۋس جۇقپاسى تابىلعان تۇلعالاردىڭ جاعدايى تۇراقتى.
«بٸر پاتسيەنت 9 ناۋرىزدا الماتىعا كەلگەن. 1ب ساناتى بويىنشا ٷي كارانتينٸندە جاتقان. ەكٸنشٸ پاتسيەنت 12 ناۋرىز تٷندە گەرمانييادان كەلدٸ. بۇل ۋاقىتتا بۇل ەل 1ا ساناتىنا ٶتكەن. سول ٷشٸن كەلگەن 12 جولاۋشى ەكيپاجبەن بٸرگە ي.جەكەنوۆا اتىنداعى ينفەكتسييالىق اۋرۋحانادا ستاتسيونارعا وقشاۋلانعان. بارلىعى ددۇ پروتوكولىنا ساي ەمدەلٸپ جاتىر. قازٸر بارلىعى 1 سانات بويىنشا كٶپروفيلدٸ ستاتسيونارلاردا 476 ادام جاتىر. №1 كٶپبەيٸندٸ مەديتسينالىق ورتالىقتا - 197, 2 اۋرۋحانادا – 168 ادام, №1 اۋرۋحانادا - 111 ادام كارانتيندە جاتىر»,- دەدٸ ت.ەبٸلداەۆ.
باسقارما باسشىسىنىڭ ايتۋىنشا, قالادا قاجەتتٸ دەرٸ دەرمەك پەن زارارسىزداندىرۋ قۇرالدارى جەتكٸلٸكتٸ.
ەسكە سالا كەتسەك, بۇعان دەيٸن باسقارما باسشىسى الماتىدا كوروناۆيرۋسپەن كٷرەسكە قانشا قاراجات بٶلٸنگەنٸن ايتقان ەدٸ.
