Foto: kp.ru
Keshe, 1 tamyzda Almatyda álemge áigili juldyz Djennifer Lopestiń kontserti dúrkirep ótti. 20 myńnan asa adam jinalǵan kontsertten kórermender ár túrli áser alyp qaitty. Djei Lonyń kezekti kontsertinde qandai este qalardyq sátter bolǵanyn týraly Ult.kz habarlaidy.
Baqytty shegirtke
Ánshi sahnada án aityp jatqanda moinyna shegirtke qonyp aldy. Úlken ekrannan anyq kóringen bul jaǵdaidy kórermender kameraǵa túsirip, shýyldasyp jatty. Sol kezde ánshiniń ózi shegirtkeni qaǵyp jiberdi de, kúlip, kórermenmen tildese bastady.
Foto: videodan skrinshot
Bul jaǵdaidy jeli qoldanýshylary lezde jarysa aityp, "kóp adam bara almaǵan kontsertke baryp, Djei Lonyń moinyna qonǵan baqytty shegirtke" dep ázildep jatty.
Sonymen qatar kórermenderdiń arasynda denesinde jorǵalap júrgen jándikten qoryqpai, sabyr saqtaǵan ánshiniń áreketine tamsaǵandar boldy.
It’s a girl! - Djei Lomen ótken gender-pati
Kontsert barysynda sahnaǵa kórermender gúl syilaýǵa shyqqan bolatyn. Gúlmen birge qazaqstandyq jubailar Djei Loǵa konvert usynǵan. Konvertti ashqan ánshi jymidy da, "It’s a girl!" , iaǵni "ol qyz!" dep aiqailady. Osylaisha sábi kútip júrgen jas jubailar erekshe gender-pati jasai aldy.
Foto: Newtimes.kz
Uiymdastyrý jumysyna shaǵym jáne tazalyq máselesi
Almatydaǵy Ortalyq stadionda ótken kontserttiń uiymdastyrylý jumysyna kóńili tolmaǵandar óz shaǵymdaryn aityp jatty.
Bul týraly buǵan deiin jazǵanbyz: Almatylyq kórermender Djennifer Lopes kontsertiniń uiymdastyrýyna shaǵymdanyp jatyr
Taǵy oqi otyryńyz: "Uzyn-sonar kezek, keptelis": Almatyda Djennifer Lopestiń kontserti ótedi
Foto: videodan skrinshot
Budan bólek kelýshilerdiń kei biri kórermenderdiń tazalyq saqtamaǵanyna shaǵymdanyp, qoqys salǵyshtar tursa da stadiondy bylǵap ketkenderin aitty. Solardyń biri threads qoldanýshysy Arai Moldabaeva boldy. Ol kontsert alańyndaǵy V.I.P. zonany videoǵa túsirip:
"200 K -ǵa bilet satyp alǵan adamdar, almatylyqtar, artaryńyzdan qoqys tastap ketýge uialmaisyzdar ma? Qastaryńyzda qoqys tastaýǵa arnalǵan kóp qoqys baktary turdy", dep jazdy threads áleýmettik jelisine.
Foto: Arai Moldabaeva videosynan skrinshot
"Uiat bolmasyn": Djei Loǵa almatylyqtar qushaq-qushaq gúl syilady
Este bolsa Astanada ótken kontsertte bir azamat Djei Loǵa úsh tal gúl syilap, eldiń nazary soǵan túsken. Kópshilik álemdik juldyzǵa qushaq-qushaq gúl syilasa da azdyq etetinin, alai da ondai qurmet jasalmaǵanyn qynjyla aitysqan.
Al Almatyda ótken kontsertte osy olqylyqtyń orny tolyp, almatylyqtar Djennifer Lopesti gúlge kómkerip tastady.
Foto: Kazinform
Shokoladty qulpynai oqiǵasy
Kórermender pop-juldyzdy gúlge orap, qushaǵyn gúlge ǵana emes, basqa da syilaqtarǵa toltyrmaq boldy. Alaida sondai jaǵdaidyń biri yńǵaisyz keiipte kópshiliktiń nazaryna tústi.
Djennifer Lopes kontsert barysynda kelýshilermen tildesý úshin kórermenderge jaqyndaǵanda olar qushaq-qushaq gúl syilai bastady, sol kezde bir qorap shokoladqa malynǵan qulpynai deserti Djei Lonyń betine túsip, ánshiniń baskiimin jerge qulatty.
Beinejazbaǵa qaraǵanda shokoladty qulpynaidan jasalǵan býketti kórermen ánshige syilaǵysy kelip, bir top adamnyń ishinen entelei bergende qolynan túsip ketken syńaily. Alaida Djennifer Lopeske bul jaǵdai unamasa kerek, syilyqty qabyl almady.
