Almaty qalasynyń qylmystyq ister jónindegi mamandandyrylǵan aýdanaralyq sotynda jaiaý júrginshilerdi kóligimen qasaqana qaqqan aǵaiyndylardyń isi boiynsha jaryssóz ótti, dep habarlaidy "Ult aqparat".
«Men sottan Jandos Álikeevti 15 jylǵa bas bostandyǵynan aiyrýdy suraimyn»,– dedi prokýror.
Memlekettik aiyp taǵýshy Dinmuhammed Álikeevke de sonsha jyl surady.
Esterińizge salaiyq, 26 tamyzda tańǵy saǵat 5-te Almaty qalasy Bostandyq aýdany Gagarin kóshesinde bolǵan qaqtyǵystan keiin bir taraptyń ókilderi óz qarsylastaryn avtomobilmen qaǵyp, qylmys ornynan boi tasalaǵan. Video áleýmettik jelide taraǵan bolatyn.
Keiinnen politsiia adamdardy qaqqan kólikterdi taýyp, tárkiledi. Eki kólik aiǵaq zat retinde QR QK-niń 24-baby 3-bóligi jáne 99-babynyń 2-bóligi boiynsha qozǵalǵan qylmystyq is materialdaryna tirkeldi.
Sodan keiin, kúdiktilerdiń aǵaiyndy ekeni anyqtaldy. Olardyń anasy uldarynyń mundai qadamǵa ózderin qorǵaý úshin barǵanyn alǵa tartty.
Politsiia 27 tamyzda 1995 jyly týǵan Jandos Álikeevti ustady. Al ekinshi kúdikti 16 qyrkúiek kúni ustaldy. Ol Almaty oblysynyń aýmaǵynda politsiiadan jasyrynyp júrgen.
Buǵan deiin, sotta eki jábirlenýshi sottalýshylarǵa qarsy eshqandai shaǵymdary joq ekenin aitqan.
