الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا جاياۋ جٷرگٸنشٸلەردٸ كٶلٸگٸمەن قاساقانا قاققان اعايىندىلاردىڭ ٸسٸ بويىنشا جارىسسٶز ٶتتٸ, دەپ حابارلايدى "ۇلت اقپارات".
«مەن سوتتان جاندوس ەلٸكەەۆتٸ 15 جىلعا باس بوستاندىعىنان ايىرۋدى سۇرايمىن»,– دەدٸ پروكۋرور.
مەملەكەتتٸك ايىپ تاعۋشى دٸنمۇحاممەد ەلٸكەەۆكە دە سونشا جىل سۇرادى.
ەستەرٸڭٸزگە سالايىق, 26 تامىزدا تاڭعى ساعات 5-تە الماتى قالاسى بوستاندىق اۋدانى گاگارين كٶشەسٸندە بولعان قاقتىعىستان كەيٸن بٸر تاراپتىڭ ٶكٸلدەرٸ ٶز قارسىلاستارىن اۆتوموبيلمەن قاعىپ, قىلمىس ورنىنان بوي تاسالاعان. ۆيدەو ەلەۋمەتتٸك جەلٸدە تاراعان بولاتىن.
كەيٸننەن پوليتسييا ادامداردى قاققان كٶلٸكتەردٸ تاۋىپ, تەركٸلەدٸ. ەكٸ كٶلٸك ايعاق زات رەتٸندە قر قك-نٸڭ 24-بابى 3-بٶلٸگٸ جەنە 99-بابىنىڭ 2-بٶلٸگٸ بويىنشا قوزعالعان قىلمىستىق ٸس ماتەريالدارىنا تٸركەلدٸ.
سودان كەيٸن, كٷدٸكتٸلەردٸڭ اعايىندى ەكەنٸ انىقتالدى. ولاردىڭ اناسى ۇلدارىنىڭ مۇنداي قادامعا ٶزدەرٸن قورعاۋ ٷشٸن بارعانىن العا تارتتى.
پوليتسييا 27 تامىزدا 1995 جىلى تۋعان جاندوس ەلٸكەەۆتٸ ۇستادى. ال ەكٸنشٸ كٷدٸكتٸ 16 قىركٷيەك كٷنٸ ۇستالدى. ول الماتى وبلىسىنىڭ اۋماعىندا پوليتسييادان جاسىرىنىپ جٷرگەن.
بۇعان دەيٸن, سوتتا ەكٸ جەبٸرلەنۋشٸ سوتتالۋشىلارعا قارسى ەشقانداي شاعىمدارى جوق ەكەنٸن ايتقان.
